影片
更多
2021-07-02
459 浏览
呢排香港咁熱，小不免會係街買返杯台式飲品解一解渴、消一消暑，適逢係旺角搵Cafe做野個時，經過見到呢間新開而且環境唔錯既台式飲品店。呢間係油麻地咸美頓街既Trouble Tea，係一間新開嘅台式飲品店，店鋪嚴選優質茶底、新鮮鮮果、牛奶等原料，經過長時間，精心調製獨有配方既健康美味鮮果茶、芝士蓋茶、特色茗茶，非常適合注意健康同養生既人，而且店鋪標榜佢哋嘅飲品全部都係用低糖配方，如果你要求微甜就會係接近生果本身既味道，所以就算多糖都會比坊間既茶飲店更少甜，飲落健康冇負擔。呢間茶飲店環境裝修簡約，店內用花草做裝飾，擺放左唔小盆栽，而且牆上仲掛著乾花，用心打扮到每一個角落都係打卡位，隨左好有文清氣息，而且環境令人覺得好舒服舒適，唔會覺得好迫好侷促，空間感十足，最好既位就係入面有兩張長木凳，大熱天時非常適合入去邊嘆野飲邊嘆冷氣，行到攰有個地方坐下唔錯。睇到餐牌上有唔小產品，飲品有招牌既芝士茗茶、芝士鮮果、鮮果茶、店主推介既波波特調、純茶，除左飲品方面，仲有提供新推出既熱壓吐司，口味有好多好似每日限量既手作芋泥、芝士味、茶餐廳口味、Nutella榛子味同蛋黃醬。-1️⃣ 宇治抹茶波波 💰40（👅: 7
呢排香港咁熱，小不免會係街買返杯台式飲品解一解渴、消一消暑，適逢係旺角搵Cafe做野個時，經過見到呢間新開而且環境唔錯既台式飲品店。
呢間係油麻地咸美頓街既Trouble Tea，係一間新開嘅台式飲品店，店鋪嚴選優質茶底、新鮮鮮果、牛奶等原料，經過長時間，精心調製獨有配方既健康美味鮮果茶、芝士蓋茶、特色茗茶，非常適合注意健康同養生既人，而且店鋪標榜佢哋嘅飲品全部都係用低糖配方，如果你要求微甜就會係接近生果本身既味道，所以就算多糖都會比坊間既茶飲店更少甜，飲落健康冇負擔。
呢間茶飲店環境裝修簡約，店內用花草做裝飾，擺放左唔小盆栽，而且牆上仲掛著乾花，用心打扮到每一個角落都係打卡位，隨左好有文清氣息，而且環境令人覺得好舒服舒適，唔會覺得好迫好侷促，空間感十足，最好既位就係入面有兩張長木凳，大熱天時非常適合入去邊嘆野飲邊嘆冷氣，行到攰有個地方坐下唔錯。
睇到餐牌上有唔小產品，飲品有招牌既芝士茗茶、芝士鮮果、鮮果茶、店主推介既波波特調、純茶，除左飲品方面，仲有提供新推出既熱壓吐司，口味有好多好似每日限量既手作芋泥、芝士味、茶餐廳口味、Nutella榛子味同蛋黃醬。
-
1️⃣ 宇治抹茶波波 💰40（👅: 7.5/10）
宇治抹茶波波
$40
21 浏览
1 赞好
0 留言
波波特調方面店主推介宇治抹茶波波，呢度既波波特調甜度同冰量都係固定，攞上手個時顏色非常適合打卡，因為好明顯見到抹茶、牛奶、珍珠三個層次，打完卡就可以撈勻黎飲。
飲落抹茶茶味幾香濃，唔會太重味會有苦澀味，抹茶加上明治鮮奶，味道溫和飲到奶香，兩者配合幾好唔會有一邊太重味，因為無得揀甜度，飲落唔算話好甜，甜度主要係黎自牛奶而唔係抹茶，甜度控制得幾好。
波波其實係黑糖珍珠，珍珠咬落幾Q彈彈牙，帶小小煙韌，唔係硬身而係煮到腍腍地，而且幾夠味，黑糖味唔會太重太甜，數量都唔小，一心想食珍珠既人會幾滿足，整體飲落唔HEAVY。
-
2️⃣ 芝士芒芒 💰38（👅: 8/10）
芝士芒芒
$38
12 浏览
1 赞好
0 留言
芝士芒芒係芝士鮮果系列，即係用新鮮芒果炮製而成既沙冰，飲落芒果味道夠濃郁，清新香甜唔膩，芝士香同樣濃郁，入口creamy香滑，冰沙可以中和芝士既膩感，杯底仲會飲到唔少芒果肉，夠哂足料，層次豐富
我本身無揀糖度，不過成杯飲落唔會太甜，都唔係死甜既味道。成杯野夠哂冰涼，夏天飲落消暑解渴，飲哂都唔會有罪惡感。
-
3️⃣ Nutella榛子香蕉 💰32（👅: 7.5/10）
Nutella榛子香蕉
$32
10 浏览
1 赞好
0 留言
呢個吐司口味，會諗起泰國嗰啲香蕉煎餅，聞落好香，食落夠熱辣辣，吐司咬落夠脆，一定要趁熱食，榛子醬味道香濃，同香蕉個味道好夾，香蕉熱到差唔多溶落去，香蕉味道會比榛子醬更出，整體食落唔會太甜太heavy，不過食完都幾飽。
-
🌟野飲來講算唔錯，唔算話太甜飲落好Heavy，勝在環境非常好，室內環境好而且有凳坐，店員唔會話趕你走，店員服務都好好，好細心講解嘢飲同嘢食，如果第一次黎仲係推介佢哋嘅熱門，喺附近唔想行可以入去坐下傾下計嘆下，夏天黎講就更加適合。
因為新店開張，會有唔同嘅優惠推出，如果學生有學生證或者着校服，飲品會有九折，所有吐司都有七五折。
-
👅味道: 8/10
🍴環境: 8/10
💰消費: $110 (服務費: NA)
张贴
