影片
更多
2015-06-27
781 浏览
由於想同朋友去間可以坐耐d傾下計既餐廳食飯，於是選擇樓上cafe。在網上搜尋一下旺角既有關餐廳，見到呢間有唔少好評於是一試。餐廳位於商廈之中，一進餐廳既第一個感覺就係「嘈」。當然，星期五好多人都會放工出來gathering，人多係好正常，但呢間餐廳之所以令我覺得嘈唔係因為人多，而係因為佢本身空間唔大，但枱數太密集（你後面枱既人要起身的話，你一定要縮比佢），牆壁只是4面白色既牆，別說吸音既材質，就連裝飾佈置也極少，給你的感覺就是「在一個有枱有櫈既單位內食飯」。我同朋友不是那種對餐廳裝潢很有要求既類型，但呢間餐廳真係求其得濟。有評論話間餐廳好舒服，可是我地真係不敢苟同，單單係比你坐既櫈都已經好舊，入面既棉質已經老化冇晒彈性，令人坐得唔舒服。既然係咁，只好指望食物質素搭救，因為有食評話d野好食。我地叫左一個套餐，加幾隻芝士焗蠔，唸住如果唔夠就再叫d小食。首先登場既係我地認為一間餐廳最穩陣既凍檸茶，兩位朋友一飲發覺味道奇怪，只能說比一般茶餐廳既檸茶難飲好多。我就慶幸自己叫既係「檸檬葡萄」，凍檸賓，幾乎唔駛調教都好飲。誰不知佢既葡萄係指果d巨峰提子汁！姐係倒柸巨峰提子汁比你，加堆冰、加三片檸檬比
由於想同朋友去間可以坐耐d傾下計既餐廳食飯，於是選擇樓上cafe。在網上搜尋一下旺角既有關餐廳，見到呢間有唔少好評於是一試。
餐廳位於商廈之中，一進餐廳既第一個感覺就係「嘈」。當然，星期五好多人都會放工出來gathering，人多係好正常，但呢間餐廳之所以令我覺得嘈唔係因為人多，而係因為佢本身空間唔大，但枱數太密集（你後面枱既人要起身的話，你一定要縮比佢），牆壁只是4面白色既牆，別說吸音既材質，就連裝飾佈置也極少，給你的感覺就是「在一個有枱有櫈既單位內食飯」。我同朋友不是那種對餐廳裝潢很有要求既類型，但呢間餐廳真係求其得濟。有評論話間餐廳好舒服，可是我地真係不敢苟同，單單係比你坐既櫈都已經好舊，入面既棉質已經老化冇晒彈性，令人坐得唔舒服。
既然係咁，只好指望食物質素搭救，因為有食評話d野好食。我地叫左一個套餐，加幾隻芝士焗蠔，唸住如果唔夠就再叫d小食。首先登場既係我地認為一間餐廳最穩陣既凍檸茶，兩位朋友一飲發覺味道奇怪，只能說比一般茶餐廳既檸茶難飲好多。我就慶幸自己叫既係「檸檬葡萄」，凍檸賓，幾乎唔駛調教都好飲。誰不知佢既葡萄係指果d巨峰提子汁！姐係倒柸巨峰提子汁比你，加堆冰、加三片檸檬比你，你飲啦！你真係幻想唔到柸野浸味有幾怪！而且你知唔知佢呢柸野標價幾錢？係$32蚊！做生意當然要賺錢啦，但你咁冇誠意既製作，點好意思收呢個價錢？算數，食物可以ok呢～
等一道菜係凱撒沙律，話比大家聽，好易整，唔做去呢度食。只要將生菜、蕃茄粒、沙律醬、煙肉粒、芝士粉撈埋一齊就得架喇，駛咩比錢食？好！再嚟個小食併盤加雞脾肉串！雞脾肉串就係果d冷藏雞肉串，d肉好「梅」果隻呢~ 當然，3人份量就係3串囉～你唔係話唔夠呀? 小食併盤就係炸急凍薯餅球&急凍咖哩角，味道如何？你自己去超市買返嚟炸下就知咩味嫁喇，唔會有分別。最後係主菜！滑蛋雞肉丼！聽個名就知係日本菜啦right? 如果你咁唸，我只能講：「少年你太年輕喇」。佢係一碟比3個人食既碟頭飯，下面係煮熟既白飯，上面就淋上滑蛋同雞肉整成既茨汁，再加少少日式醬油。滑蛋，當然好滑啦，因為唔熟架，仲有生蛋既醒味添。至於雞肉，當然係雪雞脾肉啦，但最得意既係日式既雞飯你會食到北菇蒸雞飯既雞味，簡直係思想同口感既沖擊！我既一位朋友食左一碟仔就唔想再食，佢同我地傾傾下計唔覺意擺左一啖入口，當乸埋塊面，要飲啖野浪口... 讀者們你地心水真係清，佢飲果柸咪就係低於一般水平既檸茶囉！佢一飲完就再乸多次塊面，笑到我同另一個friend嘔電！
坦白講，呢間餐廳係唔會再去第二次。
张贴