Miracle Cafe (已結業)

星期六行開旺角聽朋友推介話呢間cafe唔錯，於是就去左食喱間cafe。一入到去環境好舒服，空間都幾大。侍應都好好服務態度，試左溫泉蛋肥牛丼，成碗鋪滿肥牛，再加個温泉蛋，食落好滑，牛肉一啲都唔韌。

聖誕夜, 朋友約在此gathering, 地點方便, 入到去cafe雖小但感覺舒適自在, 牆上掛滿客人嘅合照片, 有點家嘅感覺, 店員態度友善, 我哋一行7人order咗個小食併盤及新年聖誕set, 小食併盤荔枝煙肉卷有驚喜, 再來聖誕set餐湯creamy, 跟餐小食有青口冷盤, 大大粒嘅鱆魚小丸子, 瑞士雞翼併蜜糖薯角,主菜醬燒美式豬仔骨, 火雞胸配栗子醬伴意粉,芝士肉醬螺絲粉,甜品: 焦糖燉旦加雪糕, 燉旦超好味，幼滑味道剛剛好唔太甜

偶然想找個地方與幾位朋友小聚在這個繁忙人多的旺角想找個地方歇息絕對不是易事所以能夠在旺角地段找到這個讓一班朋友可以閒聊遊戲的地方絕對是一件美事上址地方不大只能容納二三十人而且人手又不足但勝在地方乾淨舒服食物明顯是有心烹調絕非一般樓上CAFE店的隨便之作而且此店也有提供一般遊戲供大家遊戲之用真的不錯

適逢星期一放假，同女朋友黎旺角搵間樓上cafe hea下。一上到去見到成場只有一檯人，我地兩人就霸晒半個場去到店員好有禮貌咁同我地講呢個鐘數tea/lunch set都有，tea set都好多選擇, 每個都只係$38女友推薦炸燒賣，感覺好有趣。我地兩個人叫左卡邦尼意粉、麻醬涼拌烏冬同個蜜糖芝士薯條，好味好特別特別係個薯條，夠咸我中意。環境黎講，唔似某d樓上cafe，呢度夠靜夠舒服，又可以去攞boardgame玩，有好多種類

星期六周圍都逼爆，想同朋友好好傾下計於是就決定上cafe。呢間已經係第二次嚟，地點方便而且夠靜，絕對係hea同聯誼好去處。每人最低消費係一杯野飲或者一個飯，咁一杯野飲已經係三十蚊，一個飯最低都係四十二蚊咁我梗係叫飯啦！呢次叫左呢個牛肉丼，四十八蚊送熱飲。滿碗鋪滿牛肉加溫泉蛋牛肉好夠牛味而且係有咬口嘅，對比吉野家啲牛肉佢係比較厚身少少，相對都抵食啲啦一匙羹吉爆個溫泉蛋撈埋啲飯加牛肉一齊食真係大滿足呀，口感豐富推介呀呢個牛肉丼第一次來呢間cafe嘅時候係叫咗個咖哩雞飯，呢個就認真麻麻啦，咖哩好水好淡可以用頹來形容，好彩呢次個牛肉丼挽回唔少分。總括來講係推擠呢間cafe嘅，因為佢地點非常方便而且價錢相當合理，今次玩得好開心下次都會再選擇呢間cafe。

朋友BB出世100日，所以朋友間想簡單d，圍內之間幾個人為BB慶祝下。人數唔算多，如果出去食好多地方都有限時，坐唔耐，又要帶住BB，比較麻煩所以最終決定簡單d，係屋企食就算，友人建議叫外賣，因之前聖誕時有叫過呢度既到會，品質都唔錯，所以建議食呢間！打去Cafe問有無d到會Menu大概5個人餐，店員問我地大約預幾錢budget...我話預$600-$700蚊島，店員回覆話主廚晏D會set個Menu俾我地。收到信息分別有兩個Menu，同朋友商量後，簡左$580既5人套餐，另加一條豬仔骨、因聖誕時食過，覺得唔錯！所以查詢下有無！鱆魚餅打開蓋就聞到陣陣鱆魚味，食落入面仲有一粒粒鱆魚肉，味道略淡，合適輕口味朋友！香草野菌蒜容炒意粉味道唔錯，帶有少少辣焗蒜香雞翼打開蒜味都等突出，但睇落白雪雪，覺唔好似唔多夠味咁，點知食落又OK喔，仲有陣燒烤味...肉質嫩滑...黑椒肥牛玉米炒飯感覺有d似食緊pepper lunch，但呢度個汁就無咁甜，有d醬油味，有黑椒既椒香味，食落帶點黑椒辣味，幾惹味！三重芝士煙肉焗薯茸店員話，如果屋企左焗爐，可以於食前預熱8分鐘，因芝士如冷卻左，會硬左，影響口感，所以我地係食

同朋友約食飯，本應想簡D燒肉放題，點知度度都限坐，就算單點個d都如是，為有搵間cafe頂住檔，係Open rice睇過好幾間，最終都係簡左呢度，閒日唔算多客，連同我地得3枱，靜靜地，都唔錯。呢度無3人餐，所以我地簡左1個一人餐($148)同1個2人餐($268)，店員下單後，話大概要等10-15分鐘就會開始有野食送上，約10分鐘，有野食，先來每人一個湯，同沙律，係粟米忌廉湯，粟米味唔算好特出，反比沙律就好fresh...細細個，但份量10足，不錯湯同沙律差唔多食曬，2人餐既小食就送到，蜜糖薯條，甜甜地咸咸地，好合，唔錯的配搭，雞翼正常！格多5分鐘，1人餐既小食都來埋，最初以為小食係2選1，點知店員話唔洗簡，兩款都有，咁開心，等我地仲好爭札簡邊個好，煩咗一輪，呢度既蜜糖雞翼好似同出面個d有少少唔同，但又唔知點形容，兩者各有特別，醬燒豬仔骨俾想象中大件，醬汁唔算多，對於我來講，可能會啱我多d，因個人唔鐘意太多汁，呢個份量啱曬我，好淋，有陣燒過既叉燒味咁，2人餐既主菜我地簡左肉醬意粉，一落枱個下，我地三個望一望大家笑左下，個芝士味有d臭，陣陣臭味，引唔住大家都笑左下，好似臭屎味^^*....

星期六約朋友係新之城諗住買禮物，點知佢遲大到。仲訓緊，未醒。唯有自己搵間鋪頭hea 下先，之前黎過呢間Cafe，印象中記得唔算多人，諗住可以靜靜地坐下。點知上到黎，差不多坐滿。侍應安排左個位我坐，擺低menu，同簡單講咗有最低消費。都有成大半年冇嚟過，menu又轉左，轉左歐陸風格。唔想食得太飽，揀左個英式奇妙早餐，先講下個餐有咩先啦:咁就有腸仔啦，茄汁豆，沙律，薯寶，太陽蛋同埋一塊多士，附送咖啡或茶，如果轉其他飲品就半價。野飲就揀咗水蜜桃紅茶。大約20分鐘就有得食，Menu上冇圖片，所以當見到個餐嘅時候有啲驚喜，份量算多，比想像中豐富。沙律係配芝麻汁，沙律新鮮，食落去sharp sharp聲，上面有番茄同埋粟米，感覺更fresh。蒜蓉包唔係平時食開嘅法包，有d失望，反而係普通嘅多士，不過金黃色，食落香脆，蒜香味足，有驚喜，估唔到有呢個水準。讚炸小薯粒，口感有如迷你薯餅，外面脆卜卜，香脆，薯味十足，腸子還可以，腸仔較細條，入面仲有唔少既香草，但無特別驚喜！煎蕃茄，帶有香草味，同黑椒碎，食落仲有少許焦糖味。太陽蛋亦要讚，係心形蛋，幾有心絲，茄汁豆一般，因個人唔鐘意食。原來食曬成個都幾飽。水

同中學同學每個月都有聚會，今次佢地建議去Cafe玩下game，佢卜完通知我地地點, 又係呢度？！　因為上個月我先同另一班FD來過開兄弟姐妹會的CAFE，不過上次呢度比我的感覺算不錯，所以再來都OK上次係坐大廳，今次朋友卜左間房田園沙律 沙律簡簡單單細細碗，好足料，好豐富，本人唔鐘意食生蕃茄，但幾種配料加埋芝麻汁又好夾，好清新。日餐湯 係野菌忌廉湯，好足料，每一啖都有粒粒菌肉，濃郁既菌味中帶點微微既忌廉香滑，好好味。青口，睇落好細隻，以為唔好味，點知食落又好有海水味，青口估唔到細細間CAFE都有呢個水準，讚 炭燒雞肉串唔多夠味 ，略淡。勝在份量多，雞肉嫩口 。雞翼特別既瑞士汁，雞翼帶有蜜糖香味點解兩隻色？因要求一半要煮得全熟 小食炸咖喱角，普普通通 ，入面有蔬菜，有咖喱有個薯仔粒既炸物，唔知叫咩名，好少地方有得食，好似薯餅咁，不過就係一粒粒，幾好食，啱我口味鱆魚小丸子(跟餐oder左2客)估唔到好食過街邊，無街邊個d咁粉，都有少少既鱆魚味，小脆，唔錯主菜肥牛飯，肥牛帶有d酒香味，唔知係咪落左青酒煮，加埋d汁撈埋食，好味白汁蜆肉意粉，好多蜆肉，白汁富有海鮮味，同上次食既有d唔

有朋友要結婚, 起呢度book左間房開兄弟姊妹會攪大食會同傾野...一上到黎, 要除鞋入房, 好彩地板坐落感覺都夠干淨,朋友order左2盤大salad同好多小食...salad份量真係超多...每人都食左2,3碟, 仲有得淨蟹柳沙律...生菜好新鮮..食到sharpsharp聲,,, d蟹柳撈左d沙律汁變得好鮮甜凱撒沙律...佢唔係用正宗凱撒菜, 但有個凱撒salad汁同煙肉, 面包粒果d配料, 望落都似凱撒ge到左小食啦...主人家話食小食開心d 實行用小食塞飽我地!! 正 章魚小丸子.. 平時食開近潮特果隻船...呢度個皮仲脆d...入面有大大粒章魚粒, 佢加埋照燒醬同紫菜, 好想食多幾粒><魷魚圈ok啦... 食落算鬆脆仲有細細個kfc食過果d炸薯粒仔...而家出面食唔番啦  食左好多粒...=p 不過佢本身有d咸, 我食到後尾唔點茄汁食都夠味到雞翼, 有2隻味, 蜜糖雞翼同埋瑞士汁雞翼呢盤野拎入房果下, 超大陣味, 好香蜜糖ge香味  今次係個鼻食先~haha即刻試左隻蜜糖雞翼, 個面好脆, D蜜糖好香甜, 瑞士雞翼好似好黑咁, 以為會好咸, 但食落冇

難得放假同朋友出街食飯，去左旺角呢間樓上cafe 食野。 呢間cafe 真係旺中帶靜，又近地鐵站唔難搵。 環境好舒適，主要係白色既裝修為主，好清新舒適。 我地總共叫左5 個set lunch，今次影多左相俾大家睇。呢個係沙律前菜，幾清新幾好食！呢個飯朋友都話唔錯。下邊3 個意粉不過不失啦，賣相幾靚既，但無想像中咁好味。有朋友叫左呢個沙律，佢話幾好食，我見佢份量都幾多下。呢個芝士焗薯條好香好好味呀！d 芝士味好香，咬落去又唔會好淋咁！ 幾乎每條著條都點到芝士既，呢樣野好重要，哈哈！呢個雞翼都唔錯，好香蜜糖味！綜合左朋友既意見，大家都覺得d 野飲麻麻地。我就係飲濃朱古力既，但我就覺得佢一d 都唔濃，哈哈！ 由於我對朱古力既要求都幾高，所以覺得佢唔係好好飲。如果想同朋友傾下計聚下舊，呢度係唔錯既選揀黎既，仲有d card games 果d 玩下。

去拜完老媽後，出到旺角尚有三個小時才和老爸食晚飯，就上綱找來這樓上咖啡廳作為歇腳，講得是樓上當然較隱秘去到門口還要細看才知道有營業，入內見十分舒適，由於時間關係，這時一個客都沒有，坐下後店員殷勤送上餐牌。因為我們都是消磨時間關係，所以就每人點了一杯飲品再加一個小食拼盤和一份焗蠔共同分享，而我就選擇了薄荷朱古力咖啡。這類店主打供年青人消閒，所以不能要求太高，小食拼盤的食物質素一般，但勝在份量也足，焗蠔尚算可以，飲品方便，如果要求不高也算可以。小食拼盤，雞翼調味不差，蜜味濃郁，口感嫩滑；薯寶略嫌過乾，口感過硬，章魚小丸子有點過火，太乾嫌粉太厚，口感太漿，味太咸；魷魚圈我沒試。薄荷朱古力咖啡，似乎只是一杯薄荷朱古力，飲不到咖啡香味，朱古力味太重，薄荷味也不足，口感尚算順滑。芝士焗蠔，芝士味不足，實際上是用忌廉焗，味道微帶酸，鮮甜味美，口感嫩滑。

上星期六與一排無見的好友出來食tea, 食吓嘢傾下計. 朋友揾了一間位於旺角樓上的Miracle Café.我點了一個套餐, 當中包括沙律, 主菜和一杯$26或以下的飲品, 想點其他飲品, 補回差額便可以.我點了香煎龍鯏柳飯和凍薄荷朱古力咖啡.店員先奉上沙律.雖然這只是一個簡單的蔬菜沙律, 但我幾鍾意佢個醬汁, 加上蔬菜夠爽脆, 幾醒胃.香煎龍鯏柳飯.上枱已聞到香味. 份量也算幾大.龍鯏柳啖啖肉, 加上忌廉汁好夾.薄荷朱古力咖啡.對於不是好愛咖啡的我, 加入朱古力是最適合不過. 朱古加味幾香濃, 配上淡淡的薄荷味, 加埋忌廉就更加滑.這裡坐得幾舒服, 而且可以一直坐到六點先走, 就這樣輕輕鬆鬆過了一個下午.

想係旺角搵間靜少少既cafe同朋友傾計, 走過好幾間, 都好嘈(個人明白Cafe係熱鬧同輕鬆既地方)入到黎,去個陣七點幾, 希望陣間冇咁多人啦(我自私)!!坐低左, 睇MENU, 佢有分多人套餐/ 個人MENU都有，60幾-70幾蚊都有！我地簡左個人加D小食，小食就每款$38。我地叫左個肥牛炒飯,同埋忌廉明太子意粉見到野飲好多都好吸引!!!不過都係習慣左係CAFE叫朱古力就叫左杯榛子朱古力同杯水蜜桃乳酸杯朱古力都有CREAM榛子好好飲,好重榛子味主菜黎到個肥牛炒飯出奇地好食!平日我唔鍾意食炒飯, 因怕肥，呢到水準唔錯之後我個明太子意粉都好味忌廉味好重, 岩曬我!!野飲, 就三十幾蚊杯(中下價)埋單唔洗$300不過不失啦可以再黎~

 好耐冇嚟過呢度啦，今日經過呢度,就上咗去再試下，上到發現原來menu轉左，環境都變埋，五個人叫左二人餐同三人餐，本身呢就諗散叫，但套餐又好似多嘢食啲，化算啲。最終都係簡咗套餐。今日係南瓜忌廉湯，個南瓜湯上面有兩粒麵包，我覺得呢兩粒麵包係成個湯入邊嘅精髓好香蒜蓉味。超級正。湯之後係沙律，有粟米粒蕃茄粒青瓜蟹柳片，雖然沙律細細個，但係佢都幾豐富，配埋芝麻汁，我覺得好好味，不過我嫌佢哋汁太的多，少啲就更好。小食係蜜糖薯條&瑞士汁雞翼。一直食開嘅薯條都係茄汁加薯條，原來用蜜糖加薯條食其實都幾好味幾甲。唔錯嘅配搭。食埋瑞士汁雞翼。我好鐘意食章魚小丸子，散叫左一客章魚小丸子。章魚小丸子唔係好特別，普普通通咁啦，不過不失。不過我一個人都食咗4粒。芝士肉醬意粉，芝士味好濃郁好鬼死臭紅豆鮮奶枺茶，紅豆好好味，但就欠缺咗枺茶香味，唔夠濃烈，7分到拉！食完嘢，玩埋board game,10點半鬆人。