上面講左好多負面野，但其實我覺得間餐廳係唔錯嘅。
環境：雖然細，但乾淨企理，座位唔會非常迫，當然都唔好expect係好大張枱。
服務：正正常常，幾個後生女，算有禮貌，手腳反應都快，你嘅要求佢會盡量滿足。
價錢：中價偏高，但勝在明碼實價，唔收加1
食物：
Bangkok ($168)
全餐MVP，最好食就係佢塊厚切煙肉，半肥瘦五花腩，燒得好香脆，啲油脂配埋下面個酸種多士同埋炒蛋，平衡返個油脂感，好好味。Must try item。
3
Yorkshire ($148)
賣相好好，但係味道唔算好出色，豬肉腸有少少香草味，但係都唔係特別好食。鐵鍋鬆餅好大塊，差啲食唔晒，有少少蛋香，不過不失。佢仲有啲茄汁豆，煎蛋，同埋沙律菜，仲配一塊燒肉。成個組合唔係唔夾，但係唔係夾到話好好食。
味噌焦糖咖啡
味道普通，拉花好靚。
鐵觀音朱古力 ($60)
有朱古力味，都有茶味，平衡得幾好，又唔會太甜，不過飲到最後啲冰溶咗，有啲唔係好夠味。
焦糖布甸蛋糕
上面層焦糖真係脆卜卜，又唔會太厚，啱啱好。個蛋糕又唔會太甜，又食到有焦糖味，都幾唔錯，推薦。
整體嚟講環境味道都唔錯，係價錢貴咗少少，我會為咗佢個厚切煙肉，再幫襯，因為真係幾好食。如果可以唔使排咁耐隊，就更加好。
11
56
17
