Oldish (已結業)

行經上環，見到有間好有特色既舖頭 ，門口寫住furniture ，入到去原來係餐廳黎，一於試下。Oldish係食西餐既，唔係平時cafe會見到既野，今次就叫左半隻燒春雞，慢煮豬柳同Tortelloni。Oldish Grill Spring Chicken呢個春雞真係好好食，唔會燒到乾哂，佢啲汁有少少辣，但我唔食得辣都接受到，加埋個粟米真係好甜好香。Slow Cook Pork Chop一上枱就完全係好似去左高級餐廳既感覺。個pork chop好嫩滑，加埋蘋果個味好夾。Ricotta Spinach Tortelloni平時cafe好少見到呢樣，所以叫黎試下。整體感覺就係好芝士。一入口就好重cream cheese味，好香好好食。3樣野食加埋野飲，我地2個人食就岩岩好。埋單都係2百幾蚊一個人，咁既價錢食到咁既質素真係好抵。啲staff既service好好，下次一定會再黎試下佢其他野食