影片
更多
2022-10-04
37 浏览
朋友响灣仔返工，發現一間新開嘅樓上法國餐廳，好似幾精緻，而且主打熟成牛，今晚決定試吓一入門口就見到一個小型酒窖，存酒量都好豐富餐廳嘅佈置好Modern，光線柔和，俾人一種輕鬆嘅感覺，唔似有一啲法國餐廳比較拘束前菜揀咗火箭菜醬穀物片夾布袋芝士配意大利陳醋，幾奇妙嘅一個前菜，穀物片口感同味道有啲似蛋糕嘅餅底，中間夾住軟滑嘅布袋芝士，味道唔算太濃，而襯陳醋同火箭菜醬食，感覺在Fresh啲第二度前菜係羊肚菌菇醬椰菜雞卷；呢個餸比較花心機，最外面用椰菜包住煙肉及切薄片嘅雞胸，裏面再用松露片包住雞Mousse，口感豐富，單睇個橫切面已經好吸睛，再加埋羊肚菌一齊食，味道再豐富咗跟住到主菜慢煮熟成14日牛脷配陳醋汁。牛脷經過熟成14日，表面包裹住一層雞油而再用慢煮嘅方法煮到牛脷非常非常腍，味道方面因為經過熟成，所以多咗一浸淡淡嘅芝士味道，幾特別最後就到今晚嘅重點：熟成30日西冷，牛扒上枱時有一半已經切片，另一半可以繼續保持溫度。廚師用高溫將牛扒四面煎到焦糖化，有香脆嘅口感，而入面因為經過熟成，所以啲肉比一般牛扒更加腍，牛肉味濃郁甜品係招牌菜：流心Tiramisu，做到一貫嘅濕潤香濃，而旁邊伴碟嘅杏仁脆
一入門口就見到一個小型酒窖，存酒量都好豐富
餐廳嘅佈置好Modern，光線柔和，俾人一種輕鬆嘅感覺，唔似有一啲法國餐廳比較拘束
前菜揀咗火箭菜醬穀物片夾布袋芝士配意大利陳醋，幾奇妙嘅一個前菜，穀物片口感同味道有啲似蛋糕嘅餅底，中間夾住軟滑嘅布袋芝士，味道唔算太濃，而襯陳醋同火箭菜醬食，感覺在Fresh啲
第二度前菜係羊肚菌菇醬椰菜雞卷；呢個餸比較花心機，最外面用椰菜包住煙肉及切薄片嘅雞胸，裏面再用松露片包住雞Mousse，口感豐富，單睇個橫切面已經好吸睛，再加埋羊肚菌一齊食，味道再豐富咗
跟住到主菜慢煮熟成14日牛脷配陳醋汁。牛脷經過熟成14日，表面包裹住一層雞油而再用慢煮嘅方法煮到牛脷非常非常腍，味道方面因為經過熟成，所以多咗一浸淡淡嘅芝士味道，幾特別
最後就到今晚嘅重點：熟成30日西冷，牛扒上枱時有一半已經切片，另一半可以繼續保持溫度。廚師用高溫將牛扒四面煎到焦糖化，有香脆嘅口感，而入面因為經過熟成，所以啲肉比一般牛扒更加腍，牛肉味濃郁
甜品係招牌菜：流心Tiramisu，做到一貫嘅濕潤香濃，而旁邊伴碟嘅杏仁脆片更加增加咗豐富嘅口感，成晚食埋呢個甜品就超滿足
张贴
