十八夢

营业中

休息中

前兩日同朋友去左呢間新開嘅餐廳食dinner。一出lift聽到餐廳播緊Celine Dion嘅歌就好開心。入到黎餐廳發現原來呢到嘅環境好Grand好靚，仲有幾間房可以book，每間房嘅佈置都好唔同，其中兩間仲可以唱k。🍥海膽帶子他他帶子切碎，上面有黑魚子同海膽。撈勻之後放喺紫菜上面食。帶子他他味道鮮甜得黎又帶點wasabi嘅味道，配埋香脆嘅紫菜好好食。🍢爐端燒牛舌芯好彈牙，牛味香濃。燒白鱔肉質嫩滑爽口，配少少青檸汁好好味。雞腿肉好滑，雞皮燒得好香脆。🐮和牛面肉配黑松露薯蓉和牛面肉燜得好嫩滑軟淋，有少少骨膠原嘅感覺，醬汁甜甜地。黑松露薯蓉好creamy好滑，黑松露味道濃郁。