夜上海

营业中

休息中

今晚喺呢度食飯，環境的確好舒服，可惜我哋坐近門口，唔係睇到靚景嘅位置，不過呢度好寧靜，都唔錯。我哋唔想煩，所以揀咗食套餐。前菜我覺得呢個砂鍋雲吞雞係套餐入邊最不好吃的！而呢個百花釀蟹蓋係最好吃的！蟹肉豐富，口感一流！清炒河蝦，略嫌鹹咗少少我實在唔知呢個係咩名堂，有點怪怪的，好似橡筋！第二不好吃！話說上菜呢件五花腩嘅時候，白色嗰件包包跌咗落個碟側邊，嗰位侍應哥哥竟然徒手就咁執返上去舊肉上面！我實在看到有點呆咗…… 不過我沒有特別去投訴，算吧啦，唔食算啦，但係呢度算係高檔嘅餐廳，呢個動作真係令我有點愕然！小籠包好多汁，好味！酒釀芝麻湯圓，都係好好味！總括來講，呢個環境，唔計支紅酒，茶芥加一，套餐價錢$488 per head嘅價錢，算係合理既。其實散叫可能食嘅嘢水準可能會好啲，下次都係自己揀！店員服務都都很有禮貌。我覺得都合格嘅。