影片
更多
2021-12-13
47 浏览
呢排實在太忙啦雖然隔左一段時間 但係呢一間餐廳實在係太高質 所以一定要支持一下。話說果陣諗住紀念日所以就訂左一間好啲既餐廳， 雖然地方比較冷門啲 不過都十分方便好易去 餐廳唔算好多人 所以食得好舒服。入到去店員十分有禮貌，而同用膳期間都係師傅身上學到好多，交流十分舒適，服務一流。前菜最深刻果個白子沙律，酸酸甜甜。個白子好鮮，秋天果然係一個好季節！冷盤既生蠔都好出色，一黎到嚇到呆左大到成隻手掌咁，加上啲梅酒啫喱，好清新隻蠔就好creamy!刺身方面：名就記唔哂，但個金目鯛好有印象，個質地好有咬口好飽滿，魚味淡淡地完全唔會腥。仲有個紫菜包拖羅都好屈機，每啖都好full加左紫菜唔會覺得好「利」食多幾舊都仲得！之後上既海膽直正哇左出黎 從來無咁奢侈咁食海膽 present得十分豪華 但係加上其他配料每咬一下都有材料既鮮味但又唔會搶左主角既地位！當日食到好飽好飽，但個甲羅燒係唔會忘記，熱辣辣加埋搽上多士到。真係世界級，雖然好飽但真係好想問佢地可唔可以攞多幾塊多士 咁就可以食哂成個甲羅燒 不過最後廢事問都係會啪哂成個。當日有海鹽同冧酒提子雪糕，本人最鐘意食冧酒提子 所以當日就係好滿足。雖然呢個價錢
雖然隔左一段時間 但係呢一間餐廳實在係太高質 所以一定要支持一下。
話說果陣諗住紀念日所以就訂左一間好啲既餐廳， 雖然地方比較冷門啲 不過都十分方便好易去 餐廳唔算好多人 所以食得好舒服。
入到去店員十分有禮貌，而同用膳期間都係師傅身上學到好多，交流十分舒適，服務一流。
前菜最深刻果個白子沙律，酸酸甜甜。個白子好鮮，秋天果然係一個好季節！
冷盤既生蠔都好出色，一黎到嚇到呆左大到成隻手掌咁，加上啲梅酒啫喱，好清新隻蠔就好creamy!
刺身方面：名就記唔哂，但個金目鯛好有印象，個質地好有咬口好飽滿，魚味淡淡地完全唔會腥。仲有個紫菜包拖羅都好屈機，每啖都好full加左紫菜唔會覺得好「利」食多幾舊都仲得！
之後上既海膽直正哇左出黎 從來無咁奢侈咁食海膽 present得十分豪華 但係加上其他配料每咬一下都有材料既鮮味但又唔會搶左主角既地位！
當日食到好飽好飽，但個甲羅燒係唔會忘記，熱辣辣加埋搽上多士到。真係世界級，雖然好飽但真係好想問佢地可唔可以攞多幾塊多士 咁就可以食哂成個甲羅燒 不過最後廢事問都係會啪哂成個。
當日有海鹽同冧酒提子雪糕，本人最鐘意食冧酒提子 所以當日就係好滿足。雖然呢個價錢有呢個質素係超值，不過成日食就無新鮮感啦，不過期待下次特別日子一定會再去。5分滿分會比6分，超正！
张贴
