築地日本料理 (金百利廣場)

营业中

休息中

Fatvava揾食😋築地日本料理牛肉野菜壽喜燒 $88壽喜燒湯底濃，相當清甜，隻蛋勁香，濃濃既蛋味！牛肉都ok，嫩而少少牛味。豆腐都好滑，入面仲有唔少既蛙蛙菜，索左d湯都好甜！鹽燒牛舌 $28牛舌係厚既，有口感，爽口！加上少少既鹽味，加上檸檬汁，想食多幾塊！青龍 $50有少少海膽係面，唔會腥，有鮮甜既海膽味。入面包住吉列蝦係脆既，岩岩炸起既感覺，都有口感既！再加少少青瓜，食幾舊都覺得唔會滯。鰻魚玉子手卷 $24鰻魚加上甜甜既鰻魚汁同青瓜絲，玉子蛋，有口感。帶子壽司 $18新鮮清甜既帶子，都厚肉既。飯既醋味都岩岩好既，細細舊飯。赤海蝦壽司 $12爽口新鮮，厚肉既蝦，都唔錯。三文魚壽司 $8唔係好肥美好重油脂，但係都好新鮮既。油甘魚壽司 $16一試油甘魚就知龍與鳳啦。油甘魚可以食到一間店，魚生既新鮮程度，而且價錢又平，唔洗下下都食拖羅既！如果夠新鮮，油甘魚既鮮甜同油脂都會好出。。📍呢度既Wasabi有新鮮磨既感覺，一d都唔辣既，有天然感！📍坐既環境都舒適同安靜，幾適合傾下計。📍Sogo對面直接搭lift上7樓就最近。