餐廳嘅環境真係好舒服，佢有好多大嘅落地玻璃，所以有好多自然光，氣氛好放鬆。
食物方面，我哋叫咗炸番薯條，可以揀四款醬汁之中嘅兩款，有日式芥末蛋黃醬、黑松露蛋黃醬、明太子蛋黃醬、和風煙燻辣茄醬，我哋揀咗日式芥末蛋黃醬同明太子蛋黃醬，兩款醬同番薯條都好夾👍🏻
至於主菜方面，我哋就叫咗日式明太子忌廉汁配香煎帶子花枝圈手工意大利長通粉，真係好正，帶子煎得啱啱好，配上明太子嘅味道，好有層次感。甜品就叫咗一個焙茶麻糬窩夫配豆腐雪糕，窩夫整得好好，外脆內軟，食嘅時候配埋豆腐雪糕都唔會太膩。
另外，我哋仲叫咗兩杯飲品，一杯係kunisada，係由綠茶、蘋果、檸檬、士多啤梨組成嘅一杯梳打，好清新好飲👍🏻 另外一杯就係抹茶好立克奶昔，好濃郁好香甜，抹茶味好濃。
