Dirty Skillet (已結業)

之前見到筲箕灣有一間好特別既美式/多國菜餐廳【Dirty Skillet】，趁平日有時間就去試下。餐廳非常寬敞，而且有一個非常打卡able既旋轉木馬位置。食物方面都好特別，外面比較少地方食得到。 火焰芝士配蒜蓉意大利包：視覺同味覺既享受，waiter會係你面前加酒係芝士入面燒。芝士上面有加D果醬，可以抵消酒既味道。芝士底部香脆，好香口。加埋蒜蓉意大利包，係非常特別既開胃菜。 脆皮豬肘拌自家製蘋果醬，薯條：脆皮豬肘非常大隻，肉多皮脆，蘋果醬酸酸甜甜、加左D cinnamon，搭配豬肘完全唔油膩。薯條加左D seasoning，好特別！推薦！ Tiramisu鷄蛋仔雲呢拿雪糕：無咩Tiramisu味，但有lady’s finger、水果、同朱古力條。雲呢拿雪糕係軟雪糕，而且分量好多。最令人驚喜係個鷄蛋仔，外脆内軟，而且唔係空心既。不過有少少偏甜。 Dirty Purple Yam Latte：紫薯味都幾濃，唔會好甜，都幾特別。 Pineapple Hat：有鮮菠蘿、雪碧、菠蘿汁，裏面仲有少少爆珠。唔算甜，消暑解渴一流！