The Oyster House (已搬遷) 新店位置

自從朋友帶我食生蠔之后, 食蠔引大發作, 知道友人係銅鑼灣返工, 於是乎今次我帶返佢去灣仔食生蠔.首先 The Oyster House 嘅英式裝修係我杯茶, 環境浪漫. 再加上枱面點上洋燭同播放輕音樂, 氣氛一流.點咗三個國家嘅生蠔, 分別係 Yellow stone (美國), Tomo (日本) 同 Irish Rock(愛爾蘭), 順次序由淡食至重味.由食 Tomo 開始, 已經有少少金屬味, Irish Rock 不單只金屬味重, 而且咸味亦重,自己中意 Tomo, 因為味道適中.海膽配原隻鮮紅蝦配搭新鮮, 蝦肉鮮甜彈牙配上海膽獨特味道, 一流! 極欣賞嘅配搭!鮮蠔濃湯名稱果然無改錯, 蠔味道極濃, 中意食蠔人士相信中意哩款湯, 黑菘露野菌湯味道無蠔湯濃, 但味道唔錯, 夠濃郁, 只係蠔湯更濃郁.當食到燒羊架時, 已經感覺廚師唔簡單, 因為用黎墊羊架底嘅唔起眼雜菜都竟然出奇地好味, 小小細節都留意, 可見餐廳同廚師都極有心思.鈕西蘭燒羊架騷味唔重, 肉質嫩唔乾身夠肉汁, 滿分.友人好奇想話請教一下, 點知餐廳好好人真係叫大廚出黎講解一下, 靚仔大廚亦詳細講解意見同煮法, 果然