首首.韓式小館 (已結業)

利東街新開嘅韓國餐廳，環境時尚舒服，服務員態度好好，食物擺放得好精美。食物分量係比較小，但整體係好味嘅。煎薯餅，個碟好靚！一條條薯仔絲都算足料。原本以為堆菜係冇味，但原來係有放醋，有驚喜！迷你飯卷，有豬肉或魚揀，揀左魚。飯卷好似首爾食果啲咁迷你，味道不過不失，因為飯卷都好難會唔好食🤔野菜拌飯 好健康～原本以為好少菜，但拌埋一齊又啱啱好。好鍾意個醬，少少辣，好夠味。唔係平時食拌飯嘅紅色醬，所以幾特別。熱梅茶，有梅味，幾好飲！