小男孩 (已結業)

5月x日是日係本人牛一，女朋友負責行程同選食野地方無奈星期日都要返半日工，女友早預備了自製的美味芝士蛋糕及禮物係中午食。到左5點幾，又有d餓，當時又諗住夜d先食飯，就黎左呢度食黎。5點45分去到，重有tea食，看了餐牌，二話不說點了二人小食餐，小食餐可選6種小食盛惠而不費108加一。我們選了焗酥皮盒、焗蟹蓋，沙爹雞肉棒、焗田螺、大蝦多士同墨西哥薄餅。3種焗品唯焗田螺比較唔得，可能田螺比較細，口感不足，其他的都有芝士及蟹肉味，不錯。雞肉棒的雞肉很嫩口，但略嫌沙爹味不足。大蝦多士有蝦味，多士外脆內軟，做得不錯。墨西哥薄餅是蔬菜和餅皮大集會，配會的3種醬汁各有特色，風味特別又好味。服務亦很好，上菜快，雖然水壺放在枱面，待應亦會主動幫忙添水，帶位的小姐亦很有禮貌。下次試下呢度d晚餐看看如何。