申、居酒屋 (已結業)

天后區真係多美食 ，不過多數集中喺地舖，上網睇睇下原來亨環天后有一間樓上居酒屋，見食評唔錯，午市又幾抵食，一點食晏高峰期要搵食都唔容易，可以網上訂位就過黎試下😬午市套餐真係好抵食，叫咗主菜，已包埋薯仔沙律、蒸蛋、味噌湯、甜品/咖啡，薯仔沙律仲有羽衣甘藍，健康又好味🤗，蒸蛋好滑，有好多蟹肉，不過就有啲蟹殼未清😅，我點左雜錦串燒配烏冬，有五串串燒：豆腐、雞串、豬肉、蘆筍、京葱拼雞翼，仲有蛋黃嘅醬汁，串燒香口又有風味😘友人就點了滑蛋雞肉飯，飯同埋味噌湯裏面都有好多菇菌，好足料😋最後可以揀甜品或者咖啡，我哋就點咗雪糕🍨，以甜點為此完美午餐作總結，大滿足😊呢個午餐價錢享用到唔錯嘅環境，性價比算幾高👍