青花 (THE FOREST)

餐廳新開既時候已經覺得好靚，但一直無去食既衝動。最近朋友約食飯，想係旺角區搵一間黃店，我比左一系列西餐建議，但朋友原來想食泰菜，上次試左morokok，所以今次試試新野食青花啦！泰式大蝦金邊粉味道ok的，但我覺得有啲偏甜，而且炒得比較濕，不過就幾多餸同好大隻蝦。香草牛油龍蝦冬蔭公貓耳粉個粉無乜味，而且幾油下，龍蝦以呢個價錢來講味道同size都還可，但整體麻麻建議試其他。天多尼烤雞班蘭青咖哩呢個係咁多碟之中算最好食，咖哩同烤雞都夠惹味，唔會太辣，點包好好食，不過係烤雞乾左少少。香草蒜茸包成舊野都好脆好香蒜蓉牛油味，但我本人中意外脆內軟既蒜茸包多啲，呢個就真係成舊都乾脆的。大蝦冬蔭公一個字辣！唔係，係好辣先啱！平時都叫算係食到辣，但覺得呢度冬蔭公係好辣，詳細味道都唔記得了淨係記得辣，同埋啲蝦霉。