更多
2021-09-08
36 浏览
同朋友聚會,平日食西餐同日本菜就多,今次大家不約而同都好想食中菜,揀咗好耐都冇咩頭緒 就決定搵港島區嘅呢間餐廳,方便就腳之餘,見到環境都好好👍🏼一上到嚟有啲XO醬同埋合桃,XO醬係自家炒嘅,都幾開胃同埋好鮮味,合桃就甜甜同埋脆卜卜,好正前菜有青瓜海蜇同埋鮮汁鳳爪,青瓜鳳爪呢兩樣配埋好爽口同埋辣辣地,海蜇大大塊,而鳳爪就隻隻都好大隻,而且煮得好滑,一咬就鬆老火湯係原盅煲㗎,好好味,而且好鮮甜嘅冬瓜味,好快就開始上主菜,首先有大芥菜配魚肚湯,朋友非常之鍾意,因為佢嘅大芥菜煮得啱啱好,加埋個湯飲好鮮味,另外仲有粉絲海蝦同埋蟲草花蒸雞,呢兩個菜都係好新鮮,配埋個環境食性價比都唔錯
张贴