亀井鮨 (已結業)

之前聼介紹銅鑼灣世界貿易中心新開左一間日本百年老店過江龍【亀井鮨】，當然要去嘗鮮一下啦。餐廳好大、位置寬敞，有壽司bar臺、仲要睇到海景，環境真係一流。 餐廳壽司、卷物、刺身選擇較多，反而熟食比較少，所以我地主攻壽司類。 極上壽司盛：總共有12款壽司，包括大トロ、油甘魚、深海池魚、鯛魚、左口裙邊、牡丹蝦、帆立貝、三文魚籽、海膽、穴子、玉子、鮪魚蓉卷。款款都唔同，而且好新鮮。白肉、紅肉、貝類、海膽、蝦都有，一次過滿足曬所有願望。個人比較推薦大トロ、鯛魚同牡丹蝦，非常鮮甜。 甜蝦壽司：非常鮮甜，價錢都ok，推薦！ 極上鮪魚腩蓉卷：鮪魚腩蓉分量超級多，而且唔會有腥味，入口即化、非常鮮甜。 帶子沙律卷：呢個就個人覺得遜色少少，沙律醬味道蓋過左帶子同蟹籽既鮮甜。 雜錦天婦羅：有兩隻蝦、番薯、南瓜、茄子同菇，新鮮炸起，皮超級薄、但好脆。外脆内嫩、熱辣辣，推薦。 炸八爪魚：個人覺得個炸粉偏軟同有D油，不過調味同個八爪魚係整得好食既。