GREEN

生日嘅晚餐，因為要同小朋友食，於是就要揀一間小朋友都坐得自然，又舒舒服服嘅餐廳。朝頭早定晚餐都仲有位，食夠$800免費代客泊車。餐廳係喺酒店嘅大堂側邊，有一面好大嘅植物牆，環境舒適。而且因為知道我哋有人生日同埋有小朋友，餐廳刻意留一個梳化位俾我哋， 十分體貼細心。我哋叫咗龍蝦餐四道菜，五百幾蚊一位（兩位起），有頭盤、湯、主菜、甜品同埋飲品任飲！可以選擇酒或者果汁。非常吸引。我另外叫咗一個蘆筍意大利飯（素食）。食物味道OK，環境同服務真係唔錯。值得推介，有機會都會再嚟。