Orange Elephant Thai Restaurant (博文街)

位處大角咀匯豐總行隔離，地點唔難搵。白色外牆，跟附近舖頭明顯不同，就算未黎過都容易找到。

先來個小食併盤，有齊四種地道小吃，預先切開唔駛爭。春卷最正，皮脆又唔太油膩。

飛天通菜是當日優惠之選，逢星期四都只係一蚊雞，而且係日日不同款的。食落有少少辣，又有類似豆鼓的東西，幾惹味的。咬落仲冇乜渣，絕對抵食。

燒烏頭外面乾身，但魚肉仍是juicy，而且一點腥味也沒有。另外，口感係好滑的。

泰式臘腸蝦醬蛋炒飯有著濃濃的蝦醬香味，飯底沒有中式炒飯那樣乾身。食時先將碟邊的豬肉鬆混和，味道好夾。

番石榴及芒果沙冰兩者均清香好飲，就算不是大熱的日子，也一樣適合，一家大小也啱飲。