影片
更多
2011-08-15
17 浏览
今晚與男友慶祝他的生日，從朋友口中獲悉美麗華油店的YAMM dinner buffet不錯，而且睇過openrice好像都不是太差，就決定在此作為男友的生日飯啦！早於2星期前已訂了檯，對方說18:00 buffet開始，那就訂了18:30！而且話有在這個月份生日的朋友，會有生日蛋糕送的！我們準時18:30去到，餐廳未算多人，只有3-4檯客！位置安排了坐梳化位的二人檯！環境一般：餐廳不是太大，只是真的樓底較高！裝潢都傾向用實色，但又配上暗暗的燈光，其實浪漫感不多之餘顯得略為昏暗了！如果用多些玻璃物料徒添一下空間感反而更好呢！款式不多：先行了一圈看看有何食品先….都是分冷盤、熱食(主要係西式/中式/日式/泰式)、甜品……….遊完一輪就開始取食物啦….先食些冷盤>>琵琶蟹、大蟹鉗、大鮮蝦、長腳蟹、少許生菜火腿粟米…除左琵琶蟹的蟹肉稍為韌左些外，其他海鮮都尚算新鮮，肉質鮮甜(尤其隻大蟹鉗)…..跟著拿了點沙律(薯仔沙律、南瓜雞肉沙律、沙律螺絲粉)，味道還好，只是南瓜不太淋，而雞肉有點 "鞋" 口….以及拿了泰式豬頸肉、魚柳、菠蘿、炸雲吞….豬頸肉尤其美味…..之後侍應捧著些和牛
早於2星期前已訂了檯，對方說18:00 buffet開始，那就訂了18:30！而且話有在這個月份生日的朋友，會有生日蛋糕送的！
我們準時18:30去到，餐廳未算多人，只有3-4檯客！位置安排了坐梳化位的二人檯！
環境一般：餐廳不是太大，只是真的樓底較高！裝潢都傾向用實色，但又配上暗暗的燈光，其實浪漫感不多之餘顯得略為昏暗了！如果用多些玻璃物料徒添一下空間感反而更好呢！
款式不多：先行了一圈看看有何食品先….都是分冷盤、熱食(主要係西式/中式/日式/泰式)、甜品……….遊完一輪就開始取食物啦….
先食些冷盤>>琵琶蟹、大蟹鉗、大鮮蝦、長腳蟹、少許生菜火腿粟米…除左琵琶蟹的蟹肉稍為韌左些外，其他海鮮都尚算新鮮，肉質鮮甜(尤其隻大蟹鉗)…..
跟著拿了點沙律(薯仔沙律、南瓜雞肉沙律、沙律螺絲粉)，味道還好，只是南瓜不太淋，而雞肉有點 "鞋" 口….以及拿了泰式豬頸肉、魚柳、菠蘿、炸雲吞….豬頸肉尤其美味…..之後侍應捧著些和牛漢堡仔派給每檯客人各2客，是餐廳今晚送的！似乎今晚的主題係和牛呢！漢堡仔都幾口味，小小的夾著厚身的和牛，好juicy呀！
而男友拿的鵝肝(不太膩)和牛(好有肉汁)多士，都不錯！我見出面有 “大大舊”的牛扒就叫男友去拿…點知原來係那麼的生，好血淋淋，我們都淨係切了邊邊熟那處吃而已，其他紅紅的真係不敢吃喔！
繼而再拿了即選即炸蝦天婦羅(其實仲有蕃薯、南瓜、茄子、菇類作選擇的)，即炸不錯，夠新鮮熱辣，而且即炸來說又不太油都算不錯了！但男友話嫌蝦太細隻了！再重複拿豬頸肉、魚柳、豬軟骨(>豬軟骨食下有種似薑醋味，男友接受不到這種味，故覺得好怪)….又叫了男友出去拿多碟鵝肝和牛多士,嘻嘻！休息下一會，就去拿些熱食啦！
至愛的魚柳、菜菜、意粉、炸雲吞(個餡好細粒啊!)、咖哩燴牛尾(>>燴得好腍,不錯!!)；男友就拿了泰式炒麵(我覺得幾辣，可能我食不到辣啦!!)及和牛串燒(>>好味，應該話係d沙爹汁夠惹味吧!!)；男友亦拿了蝦刺身與魚生，他說這round的魚生好吃過頭一round那盤喔！食到這兒都夠啦，要休息下等食甜品！但開始覺得餐廳冷氣不夠，因為已經9成入座率，人多了！P.S.其實有些忘了影相但我們都有吃到，如壽司卷(但得3款選擇)，壽司款式真是少呀，亦係見有什麼供應的便選擇然後有廚師即整的，男友有食魚生及和牛壽司！男友亦有食生蠔，但好細隻的！
好啦！休息一下後，就食品啦，說真甜品都真係好少選擇，好多都係凍餅類多！
拿了檸檬撻(嘩!!好酸呀!!)、栗子蛋糕(栗子蓉唔好食，太漿糊了)、貝殼蛋糕(糖粉太多,甜了點，質感不夠鬆軟)、黑森林蛋糕(除左白色那層味道怪怪的外，其他都正常味)、芒果蕉糖慕士(好難食呀，2種味都不配合的)、幸好拿了最正常的一片菠蘿生果!!!!=_=""""
食完第一碟的甜品已經有恐懼，真是金玉其外，敗絮其中！但男友話食埋其他一些先啦…..芝士CAKE(那款算係云云之中最正常最好味的一款，但芝士略鹹)、朱古力撻(好過檸檬撻些少啦，但中間朱古力漿太膩了)、牛奶不知什麼東東的慕士(又係好怪味的！)、綠茶紅豆慕士(綠茶味太重了啦！)
芒果奶凍(>>>>>>>又係勁酸!!!)
吃過怪味的甜品後，還是食下雪糕、生果朱古力算吧啦！
男友要的意大利雪糕(熱情果芒果>>"我覺得略酸,但男友話好味"+碎朱古力)我要了雲呢拿+碎朱古力，最正常的味道！
此時，餐廳送的生日CAKE來了！食過怪味甜品後，對著那個又係賣相OK，但味道又不知會是怎的蛋糕，真是沒甚期望！果真又真是極之怪味，我們都覺得面那層好似D海鮮味咁，好怪，食左兩三啖放棄啦！
P.S.縱觀察所得，左右邊各一檯都有人生日，都是送上那款蛋糕，他們都是食了數口便不吃了，還隱約聽到右邊檯的男友笑著在他女友耳邊說好難食呀(看他嘴形也知是說 “好難食” 這三個字呀!)!
最後叫了包每人一杯的餐飲清清口腔後，約21:00左右便埋單。每人$600多元，但貨不對價呢！真不值那麼高價！還有還吃到從未吃過那麼怪味的甜品，真係既駭人又失望呀！真是食過一次就算吧，可一不可再，或許是我倒霉吧！記得上年去過洲際食，價錢相約，但人家至少環境較有VIEW，種類食品都不錯呢！…而男友都話下年試下過澳門那些酒店食BUFFET，可能價錢質素都合理些啊！
张贴
