影片
更多
2020-03-18
363 浏览
之前聽朋友講青花環境好靚 好多花花草草 好多KOL都有係到打卡影相📸️ 問佢野食質素如何啊 朋友讚到天上有地下無 講到咩都好好食😇咁一直都搵唔到機會去試 直到今日先訂到位去試試👅訂左6:45 分 會事先打黎同你confirm booking會提你淨係可以食到815分就要交枱😀入到去會提供信封同搓手液比你 入座前要度左體溫先 服務都唔錯入到正題 兩個人食所以叫左個二人套餐 建議細食既兩個人唔好叫 因為大大份 會食唔曬啲野😇二人餐叫左個咸蛋黃沙律，細冬蔭公，青咖哩烤雞，烤菠蘿蟹肉炒飯，手抓薄餅同炒芥蘭首先，個咸蛋黃沙律 好難食！！一啲泰式味都冇 得個酸字，個咸蛋黃碎碎我明白望落令到個沙律顏色好靚，但又唔係熟，一陣腥味，又冇落香料去腥，咁你不如唔好加落去啦唔該😀之後到個冬蔭公湯，第一啖咦乜咁似蕃茄湯既哈哈？？？ 再攪勻再飲，咦同我印象中冬蔭公湯陣味唔同既？？？ 好難形容佢係咩 類似一兜蕃茄加草菇加左隻大頭蝦再加辣油加醋既野，一啲香料味都冇，非常單一既味道，朋友就覺得太酸，飲左一碗喉嚨都頂唔順😀青咖喱烤雞， 烤雞味道幾好，但青咖喱個汁醬又係唔知做乜野，好鞋，一啲都唔滑，唔食辣既人一定會覺得辣到不
問佢野食質素如何啊 朋友讚到天上有地下無 講到咩都好好食😇
咁一直都搵唔到機會去試 直到今日先訂到位去試試👅
訂左6:45 分 會事先打黎同你confirm booking
會提你淨係可以食到815分就要交枱😀
入到去會提供信封同搓手液比你 入座前要度左體溫先 服務都唔錯
入到正題 兩個人食所以叫左個二人套餐 建議細食既兩個人唔好叫 因為大大份 會食唔曬啲野😇
二人餐叫左個咸蛋黃沙律，細冬蔭公，青咖哩烤雞，烤菠蘿蟹肉炒飯，手抓薄餅同炒芥蘭
首先，個咸蛋黃沙律 好難食！！一啲泰式味都冇 得個酸字，個咸蛋黃碎碎我明白望落令到個沙律顏色好靚，但又唔係熟，一陣腥味，又冇落香料去腥，咁你不如唔好加落去啦唔該😀
之後到個冬蔭公湯，第一啖咦乜咁似蕃茄湯既哈哈？？？ 再攪勻再飲，咦同我印象中冬蔭公湯陣味唔同既？？？ 好難形容佢係咩 類似一兜蕃茄加草菇加左隻大頭蝦再加辣油加醋既野，一啲香料味都冇，非常單一既味道，朋友就覺得太酸，飲左一碗喉嚨都頂唔順😀
青咖喱烤雞， 烤雞味道幾好，但青咖喱個汁醬又係唔知做乜野，好鞋，一啲都唔滑，唔食辣既人一定會覺得辣到不得了，總知就好麻麻地，但加左個薄餅都OK既，可能個餅本身已經好食。配菜有秋葵茄子同草茄，冇咩特別所以唔講。
烤菠蘿蟹肉炒飯，個碟就大大碟，張枱就細細張，入面既飯量只有兩小碗，明明呢碟整得幾好食，但份量就最少，點解呢？？？
烤菠蘿非常多汁好食，個炒飯仲可以撈埋腰果同提子乾食。
炒芥蘭，係今餐最好食既一碟菜，無咩特別。
服務方面，員工態度都好好，好有禮貌。但其實間餐廳出菜次序會唔會可以好小小？ 第一碟上枱既係青咖喱烤雞，之後到炒芥蘭，第三碟先係個沙律，會唔會考慮下前菜上先 ，再慢慢上主菜？
其次，張二人枱好細，但啲菜一次過上曬，逼到唔想食，我明白你要個半鐘叫人交枱，但如果可以調整下會更好囉🤡
其實我要求都唔係好高，但今餐飯既整體質素對我黎講完全唔合格，total食左$547蚊，我會寧願食其他餐廳😇😇😇
张贴
