楓子珈琲

平日下午茶時段嚟到，冇乜人，清雅恬靜，所有裝潢擺設都有中世紀外國餐館之感，有用心機。

柚子梳打咖啡

叫咗杯比較特別嘅飲品，賣相唔錯，味道正常。

收$158，帶子唔係珍寶size, 有啲失望。最大問題係個意粉，接近完全冇味，本身烚嘅時候冇落鹽，然後青醬落得好少，成個sauce好稀，係我喺餐廳食過最難食嘅意粉。

成灘水，意粉水太多，醬太少。雖然超市一瓶青醬唔係平，但都唔使慳成咁。

環境係好好，如果有下次，只會試蛋糕唔會叫主食。