風月堂 (已結業)

每次約左女仔朋友，如果o係銅鑼灣或者旺角，都會諗起風月堂。初時被風月堂吸引，係因為佢既外表實在太"靚女"喇，白雪雪咁，我相信好多女仔會一見鐘情。後來有一次，當日因為唔係好有胃口，想去食d清淡d既女仔野，諗起風月堂清雅脫俗既外表，想去試試。點知去到一睇餐牌，原來大部份都係一 d 正常女仔見到會 "耍手擰頭" 既 "肥野"，真係估佢唔到喎。但小女子向來非凡夫俗子，"肥野"? 嚇我唔到既。咁就係我同風月堂既第一次喇。好喇，入正題，今次同左四個女仔一個男仔黎食生日晚飯，叫左好多野呀。(以下菜名純粹靠記，絕對可能記錯) 鹽燒牛舌﹕全檯得我同另一個女仔夠膽食呢碟小食，仲岩！我都唔知幾鐘意食，唔好同我爭添呀！厚厚地，幾好食呀~ 白汁焗青口﹕青口好大隻，焗得好香口，good job! 個名類似係南瓜雜菜沙律 (?)。你首先睇睇個樣先，似係熱食呀呵? 但上檯時係冰凍的，好似岩岩o係雪櫃拎出黎咁。朋友問侍應，"呢個應該係熱食定凍食"，侍應話要問問先，轉頭覆話應該係暖的 (暖咁奇怪?)，咁我地就叫佢換一碟喇。換到返黎，依然係奇奇怪怪咁，唔熱唔凍......總之前前後後換左幾次都係奇奇怪怪咁啦，最終都無咩點食