風月堂

講真風月堂食過幾次,呢度環境真係幾好,唔會太嘈,同埋幾闊落唔會坐到好逼好唔舒服不過一個餸都已經好貴但每樣野都真心好食同埋賣相都幾好好多次同班fd慶祝生日就係喺呢度侍應的服務態度都幾好可能我唔太鍾意食呢種三文魚沙律,真心唔太鍾意食紫椰菜 個青口同蝦都好好味幾貼心,甜品會問我地可以上未,唔會一次過上晒所有餸雪糕窩夫真心推介,次次黎親都一次食,但竟然唔記得影相 雖然甜品係會上得慢d但係好味就唔介意等多陣…查看更多

前兩日同一個朋友去開旺角聚舊 熱辣辣 諗住搵個地方傾下計 見到風月堂 久聞d 甜品好好食 上去一試 兩人叫一個 賣相好吸引 綠茶味雪糕好濃味 Waffle 好脆 好match d 雪糕 加埋生果消暑一流 $5x 服務態度都幾好 見其他食客有叫正餐 好似都唔錯 而且有好多款甜品都想試有機會會再黎…查看更多

12月中嘅某一日,由於我嘅身份證同回鄉証咁岩都要換,所以就揾相近嘅地方整..而剛好遇上我媽放假,咁就一於一齊食個LUNCH啦!呢日我地去左好耐冇去嘅風月堂食,呢到環境舒適,要知道好難可以係旺角鬧市中搵到一片咁嘅樂土,而且食物質素又唔錯,所以先至選址呢到!我地叫左2個是日set lunch,1個跟湯,1個跟沙律,再有餐包另上,微暖嘅包配上牛油簡直一絕!!主菜分別係茄汁大蝦意粉同西冷牛扒芝士腸配意粉,前者係我媽叫,佢話大蝦彈牙好食,意粉份量頗多,而後者就係我叫,雖然牛扒唔算大塊,但味道唔錯,冇煎到過火,芝士腸唔係平時食開果D,大大條,腸入面分佈左好多芝士粒粒,正!意粉冇煮過火,唔淋!抵讚!餐飲就揀左香噴噴嘅即磨咖啡同顏色討好嘅嘅雜果濱治甜品係窩夫配雪糕,雪糕揀左菠蘿同芝麻,菠蘿味入面有D菠蘿粒,滿佈清香,而芝麻味就有一陣濃濃嘅芝麻香,兩者配上新鮮出爐嘅香脆窩夫,簡直係為呢一餐劃上一個完美嘅句號!…查看更多

見到有多過140個贊在 openrice, 所以去試試。地點很方便，但食物就很一般。Appetizer sampler, 除了牛舌外，其他都不好吃。羊扒很羶。三文魚意粉，一般。不知那麽多贊是怎樣來的。…查看更多

早前在網上看過風月堂的食評和相片，發現它的甜品十分漂亮，所以經過旺角，特意品嘗。光是看餐牌都花了十分鐘，因為太多款式了，最後點了 " 彩虹芭菲 "。外形十分亮麗，高窄的玻璃杯，裡面盛著一層層的食材，視覺效果奪目。這個芭菲一共分為三層，每層之間都有忌廉間隔著，第一層是四款味道的冰淇淋，包括：草莓、綠茶、芒果、鳳梨味。四種口味中，鳳梨冰淇淋較突出，因為有鳳梨果肉，其餘的味道普通。第二層是葡萄味果凍和芒果肉，果凍是一般在超市買得到的貨色，而芒果好香甜。第三層是哈蜜瓜果肉，沒特別。整體而言，外形奪目，味道一般，但勝在環境夠清靜，可以安安靜靜放鬆心情。…查看更多

今日同男朋友兩年，出到黎9點幾，近近地又好似幾靚咁，就上去試下。我叫左個a餐 帶子三文魚意粉，男朋友叫牛扒雜菜炒飯。我個意粉又生又硬，塊三文魚男朋友個牛扒好似食緊白烚咁，又干又鞋又無味。杯雜果賓治明明就係果汁先生雜果汁3隻餃子加3隻雞翼不值6x$不可一不可再…查看更多

同朋友食完飯 (其實我只食左個沙律), 突然甜品癮發作經過風月堂 , 想起佢地的甜品都幾出名~~~咁就捉左我朋友上去食了~上到一樓, 門口已經有3台客等緊....不過好彩重有2樓, 所以都算快入坐我地去左2樓 , 全白色裝修 , 樓底好高 , 感覺好舒服  一坐低所有野都準備好, 清水有了,餐具餐牌有了甜品係獨立一個餐牌的真係睇到眼花撩亂!!!!我的選擇困難症又發作 5 mins後選擇好了~~~落左order後10 mins左右就到了 一放上台已經聞到好香的肉桂味窩夫有朱古力味同肉桂味  貪心的我就係想一次過試晒兩隻味~~微暖的窩夫 , 香脆 ~~~肉桂味窩夫食唔出肉桂味 , 不過朱古力味窩夫就好香濃的朱古力味雜果上沐左帶肉桂味的糖水 , 微甜 , 配水果岩岩好~~~雜果有香蕉, 士多啤梨, 藍莓和芒果 , 只有藍莓的味道怪怪的, 其他都好好結尾: 我見隔離台d set dinner都幾大份, 好似幾抵食幾好味~~~依啲係咪就係叫隔離飯香下次我要去食晚餐~~~報告完畢~~~  …查看更多

是日主公生日,去左海洋公哈囉喂,玩完就黎左風月堂食生日晚餐。黎到都接近10點,好彩唔駛等位,不過待應話無左dinner set,即係只可散叫。第一次黎風月堂,環境好乾淨企理,又光猛,但枱就排得比較密,如果情侶想談心此處不是個好選擇,因為隔離一定聽到晒。坐低研究menu,食品款式不少,尤其甜品,三思後都係點左正餐先再決定食唔食甜品。最後點左呢幾様芝士波菜焗海鮮飯(個名大約係咁,唔記得影相......):雖然差唔多成舊水,但一分錢一分貨,成碟野用料充足,味道濃郁,d汁又唔會整到d飯淋晒,水準之作。日式炒烏冬:呢碟炒烏冬賣相食平平,睇落同茶記炒烏冬分別不大,不過味道唔錯,d烏冬食落都幾滑。燒牛舌:我覺得好好食,口感一流,咬落剛剛好,不太淋亦不太韌,味道又入味,好食。士多啤梨特飲:飲落有少少似奶昔,清香士多啤梨味,不太甜,唔似出面有d餐廰糖漿加水,幾好飲。食完已經好飽,個肚再無空間食甜品,好彩無一早叫定,唔係一定食唔落。總括風月堂既質素係水準之上,雖然同隔離女人街d餐廳比價錢唔算平,但絕對係值回票價。…查看更多

一個忙裡偷閒嘅晏晝 一個鬧市中嘅綠洲 感覺爽到爆 就好似蟻后響蜂巢等食一樣 呢個久久遺忘嘅感覺 突然間好似煙霧咁出番唻 對面嘅係我嘅黑蜂男友響呢個世外桃源我哋點咗白桃香橙什飲 焗朱古力蛋糕班戟同香蕉朱古力新地什飲味道一般 並無必要介紹 班戟熱辣辣 蛋糕鬆軟 朱古力有流心感覺 新地層層不同 適合多心嘅朋友 慕絲抵讚 唯一敗筆係香蕉太生總體上 呢餐係令人回味嘅…查看更多

行街很得累了！甜品胃好想好想好想食窩夫啊！老屈了陳生陪我食窩夫作下午茶！哈哈！首次到旺角的風月堂食甜品，地方闊落，自然光映進餐廳內，光鮮整潔；的確是TEA一TEA的好地方，而且星期日的下午茶時段竟不用等位，行旺角行得累了，是一個閒坐抖抖的好地方。窩夫的配搭大同小異，都是配不同味道的雪糕，但竟有幾頁選擇（會不會太多呢？），害得有選擇困難症的我選了良久。最後選了連我自己也不記得什麼名字的窩夫配搭了，憑藉相片，我下稱它們為窩夫雪糕及綠茶窩夫伴芒果奄列。啡色的窩夫頗脆口，有點暖暖的，但不夠Ocio的窩夫外脆內軟！SIZE的的骰骰，適合咀細細的美女食用（我啊！）至於雪糕，個人偏好綠茶口味！窩夫雪糕雖然有三種雪糕口味：士多啤梨､香草及朱古力，欲以數量取悅食者，但太雜亂，只適合「心大心細唔知想食咩又想咩都試吓」的人食用（HI！又係我）。芒果奄列內有鮮忌廉及啫喱，總覺得啫喱跟窩夫､雪糕及奄列完全格格不入，可有可冇。總括而言，風月堂的窩夫不算非常好味，但亦可以一試。…查看更多

風月堂出名甜品選擇多又美味，我老婆亦讚這裡的甜品水準一流，既然如此，我便與老婆來這裡食lunch，當然會順道試試它們的＂成名作＂。是日等了15分鐘左右，坐下後感覺環境不俗，更有窗境位，可惜我們沒得坐呢！還是說回食物，笫一道菜-焗軟殼蟹青瓜蟹籽沙律，軟殼蟹弄的很的很色，很大隻又脆，而沙律菜及蟹籽份量十足，菜很新鮮爽脆，好吃！之後主菜是帶子野菌燴意大利飯及鮮菇菠菜忌廉意粉，前者帶子煎得很香口，但只有3隻我覺得不夠喉，相反飯我就真的不懂欣賞，我不是未吃過意大利飯，我亦知一般較為硬身，但這個真的比我預期還要硬，味道又一般，我看來還是吃回＂軟飯＂算了😝！後者就做得不錯，忌廉汁意粉軟硬適中之餘汁又＂較＂得很好！最後當然少不了＂成名作＂，這次點這個窩夫配上雜果及朱古力雪糕，窩夫配上蜂蜜及雪糕簡直一流，難怪這麼多人來捧場它們的甜品，但正餐是否需要來這裡吃我就給了4個字-＂一試無妨＂。…查看更多

都來過幾次，我對風月堂呢間餐廳情有獨鍾，一來呢度環境舒適，二來係呢度唔會俾人催買單，絕對你啱同朋友傾計食飯嘅好地方... 所以，我今次又同朋友去食風月堂嘅甜品!講下左面個杯先，鮮果朱古力手卷芭菲($52):只能講句"好睇，但唔係特別好食"...呢個Parfait分為3層...第一層係三份鮮果朱古力手卷加雪糕...朱古力Waffle卷成手卷，Waffle裏面卷住嘅係Cream，Cream上面放左三種唔同嘅水果(士多啤梨丶奇異果丶香桃)...朱古力Waffle好淋，一D都唔鬆軟，又唔脆，又冇朱古力味;(D士多啤梨係酸嘅，奇異果又唔夠熟...好彩有芒果味雪糕配住食!但味道始終都係麻麻地:/中間個層係Cream，最底個層就係朱古力醬(好甜><)...不過兩樣一齊食都Okay嘅...右面個杯，我就唔記得個名la($5x)...呢個Parfait分為4層...第一層係三件Brownies同百力滋加雪糕...Brownies好好食，有好濃嘅朱古力味，裏面仲有Nuts!蛋糕鬆軟，Nuts脆口，整體嘅口感好讚!!兩條裝飾用嘅百力滋係杏仁朱古力口味，同平時食個D差唔多...配埋朱古力味雪糕，絶配!好食!!(朱古力迷一定鐘二<3)第二層係Cereal，第三層係層就係Custard......佢用CoCo Pops，所以食完都幾飽...我本人就唔係咁鐘二CoCo Pops，加上俾D Custard浸住，D可可米淋哂，好難食!!最底個層我都唔知係咩醬(可能係咖啡醬)，總久佢食起來酸酸地，我個人覺得隻味怪怪嘅，好難食;SD Parfait真係好一般...下次都係要番食Waffle!!…查看更多

同朋友都係甜品愛好者，諗起風月堂D甜品又靚又多選擇，就決定入去食我個人好鐘二食拿破崙蛋糕，所以就點左客Strawberry Napoleon...呢碟草莓拿破崙6.5/10分)好失望!千其唔好叫!!首先講下D士多啤梨->真係好一般，D士多啤梨一D都唔甜，仲有少少酸><另外，酥皮雖然係脆(好似食緊餅乾-0-")，但就一D都唔酥，又唔鬆化T.T 而且佢每一層嘅酥皮都好薄，完全冇口感可言...佢仲有配埋雲呢拿雪糕，你可以揀其他味[有朱古力丶綠茶丶芒果...都有好多隻味揀]^^雪糕係OK嘅(雲呢拿呢隻食落似係Dryers牌)，不過雪糕放上枱之前已經溶左[嫌佢溶得太快:/]:'(不過佢都有可取之處，勝在夠靚，同埋D酥皮好香，有香濃嘅牛油味呢個Strawberry Napoleon都要~$50，收呢個價，做D咁嘅質數嘅甜品，我就唔OK:S下次再來風月堂食甜品，都係叫番窩夫!因為風月堂D窩夫最好，外脆內軟，非常好味!!推介!!!…查看更多

 第一次去"風月堂"食嘢,有朋友之前去過話坐得唔舒服,但我個晚睇到座位情況同我朋友講既完全唔同(可能已經收善咗既關係),由於我地係walk in,輪侯時間大慨10-15min左右!入座無耐即刻有侍應幫我地倒兩杯水同俾埋個menu我地,服務算唔錯,但略嫌冷氣開得較大,令到d食物好快凍!…查看更多

久聞這裡的甜品很出色可是我們卻沒有試任何甜品只是簡簡單單的吃個晚飯風月堂不設訂座 只好去排隊等位一大堆人擠在樓梯間等位有點焗促而且一等就是半個小時以上如果可以改善一下輪候安排就好了還好被編到一個不錯的位置可以看著旺角繁華的街景進餐而且座位也很舒適很適合幾個朋友聊天談心3個人每人點一個菜一個飲品就剛好都是一些日式的西餐 並沒有甚麼特別品種pizza是小小的 切成6塊每人吃兩塊餅底並較薄 是走脆口的路線材料的份佈也很平均 每口都很滿足咖喱飯上的蛋如果能大一點就是蛋包飯了吃日式咖喱的話我還是比較喜歡coco感覺比較專業 而且選擇更多這裡的炒飯加了提子乾 之前都沒試過我覺得還可以 不過卻不是人人喜歡看著朋友忙著把提子乾挑出來的樣子實在忍不住笑了出來三文魚焗飯做得頗出色白汁不會太稠也不會太稀同時也不會有太膩的感覺不過份量方面就略為少了一點女生會覺得剛好 男生應該不夠吃這個士多啤梨特飲還不錯應該是以新鮮士多啤梨製作的所以味道比較真 不會有添加劑的人造甜味這裡的員工服務態度不錯吃完東西後我們在那邊聊了很久很久侍應們都仍然很主動幫我們加水不會像其他餐廳趕走客人這方面實在值得一讚…查看更多