影片
更多
2022-04-22
309 浏览
今日同朋友再次黎到西營盤既哩間cafe，餐廳環境設計花心思，行木系文青feel，有唔少特色位置同擺設，而且有室內及室外座位，牆壁有壁畫，啱晒打卡📸️餐牌上面有輕食、主食、甜品等可以選擇，今次我地就揀左以下食物share👇🏻🦪廣島牡蠣炊飯 $140牡蠣來自日本廣島縣，肉身肥厚，味道鮮甜，飯係珍珠米，質感煙靭，配有野菌及牛蒡，撈埋一齊食口感相當豐富，而醬汁由醬油、昆布等材料製作而成，米飯加上醬汁真係非常好味。店員建議食法✨先將醬汁倒落溫泉蛋，撈勻溫泉蛋之後再倒落飯，全部撈埋一齊食，好食推介👍🏻🍨招牌燒海鹽忌廉麻薯班戟、北海道牛奶雪糕及水果（濃濃黑芝麻） $98哩個班戟材料豐富又好食～班戟上面有海鹽忌廉、香蕉、北海道牛奶雪糕同芝麻醬，周圍仲有果仁同水果，班戟入口芝麻味香濃，班戟中間仲有麻薯，麻薯質感軟綿煙韌，所有材料配搭埋一齊味道好夾，相當好食，哩個都係好食推介👍🏻🍵宇治抹茶豆乳拿鐵配北海道牛奶雪糕 $58抹茶味香濃，味道似係日本飲既咁，非常好飲，而且飲得出豆乳既香，撈勻雪糕之後抹茶質感更濃稠，好飲推介👍🏻🫖🍫皇室伯爵茶黑朱古力 $55伯爵茶味超香超突出，黑朱古力同伯爵茶嘅味道都幾夾，甜度亦適
餐牌上面有輕食、主食、甜品等可以選擇，今次我地就揀左以下食物share👇🏻
🦪廣島牡蠣炊飯 $140
牡蠣來自日本廣島縣，肉身肥厚，味道鮮甜，飯係珍珠米，質感煙靭，配有野菌及牛蒡，撈埋一齊食口感相當豐富，而醬汁由醬油、昆布等材料製作而成，米飯加上醬汁真係非常好味。
店員建議食法✨先將醬汁倒落溫泉蛋，撈勻溫泉蛋之後再倒落飯，全部撈埋一齊食，好食推介👍🏻
🍨招牌燒海鹽忌廉麻薯班戟、北海道牛奶雪糕及水果（濃濃黑芝麻） $98
哩個班戟材料豐富又好食～班戟上面有海鹽忌廉、香蕉、北海道牛奶雪糕同芝麻醬，周圍仲有果仁同水果，班戟入口芝麻味香濃，班戟中間仲有麻薯，麻薯質感軟綿煙韌，所有材料配搭埋一齊味道好夾，相當好食，哩個都係好食推介👍🏻
🍵宇治抹茶豆乳拿鐵配北海道牛奶雪糕 $58
抹茶味香濃，味道似係日本飲既咁，非常好飲，而且飲得出豆乳既香，撈勻雪糕之後抹茶質感更濃稠，好飲推介👍🏻
🫖🍫皇室伯爵茶黑朱古力 $55
伯爵茶味超香超突出，黑朱古力同伯爵茶嘅味道都幾夾，甜度亦適中，適合伯爵茶控。
整體黎講，Cafe環境適合打卡，食物質素亦高，兩樣食物都好好食，絕對值得一試。
张贴
