皇朝漁苑 (已結業)

今晚係大埔三門仔路「皇朝漁苑」食晚飯。呢度最吸引嘅係有即燒乳豬，可以現場睇住師傅燒。燒好就比另一位師傅即摲送上枱👏🏻👏🏻👏🏻👏🏻👍！乳豬入口香脆熱辣，肉質嫩滑，味道醃得剛剛好😋😋😋。其他菜式都做得好有水準；滷水鵝片、無花果酸甜排骨、蒜香炸魷魚鬚、上湯魚肚浸勝瓜、冬菇方魚炒時蔬、欖菜蝦仁炒飯。碟碟味道都做得好好味。單尾甜點；紅棗糕同馬拉糕仲要係完全無得輸嗰隻🥰🥰🥰😍😍😋😋😋😋超鍾意。