FLIPPER'S (已結業)

星期三放工六點三去到等位，等咗大約半個鐘就可以入座。坐定定揀完就可以行去落單。由於大食怪怕一份pancake唔夠飽，於是叫多一個夏威夷pizza。夏威夷pizza上菠蘿帶有少少香味，菠蘿的微酸香甜中和pizza上嘅芝士味道，但咀嚼時芝士煙韌，帶出淡淡芝士味。榛子朱古力焦糖香蕉班戟終於嚟啦!Flipper’s梳乎厘班戟比想像中好食，其他店舖多數都係好似蛋白泡一樣，入口好快就溶，而且會冇咩味道。但Flipper’s嘅pancake就有淡淡蛋香味，食落口唔會好似咩都冇食過，配上烤得脆脆榛子粒、焦糖香蕉同cream一齊食，令人一啖接一啖，好快就食完。