珍珠皇宮印度餐廳

营业中

休息中

餐廳：珍珠皇宮印度餐廳地點：尖沙咀重慶大廈菜式：印度菜餐牌：頭盤，小食，湯，咖喱（主菜/素食），天多尼印度燒烤，飯類（印度米），意粉，印度烤餅，沙律，炒菜，乳酪，甜品，咖啡/茶等飲品。香烤羊排 $178 另加一香烤羊排一客4件，每件都用錫紙包住支骨，等你可以用手食。羊排熱辣辣上枱，烤得燶面，較乾身不過唔會太韌，味道唔會太酥，唔辣。配有洋蔥圈同檸檬。印度烤雞 $108 另加一印度烤雞半隻有四件，都可以要8件全隻。四件有兩件雞上脾同兩件雞下脾，伴有洋蔥圈同檸檬，用鐵板熱辣辣上枱。香料好香，雞肉算滑，少少辣。瑪莎拉咖哩羊 $118 另加一瑪莎拉咖哩羊揀左少辣。個汁味道唔錯，辣度合適，羊肉份量唔少，都唔會太韌，羊味唔錯，面頭加上香草同蔥絲。免治羊肉烤餅 $48 另加一食咖哩一定要配印度烤餅。免治羊肉烤餅一客四件，烤得燶面，口感軟熟，入面加有唔少免治羊肉同香料，送咖哩食唔錯。今餐食物唔錯，餐廳好有印度風情，播放印度音樂，老闆服務員都係印度人，好似去左旅行。