影片
更多
2025-08-16
0 浏览
上週末同朋友去咗珍珠皇宮印度餐廳試試，心想試下正宗印度菜，點知成個體驗真是一個噩夢。一入到餐廳，環境普普通通，坐低未有機會好好睇餐單，侍應已經好似機關槍咁瘋狂推銷小食，話咩小食好正、一定要試，連喘氣嘅機會都無。我同朋友話想先睇吓餐單，點知侍應即刻黑面，態度極唔耐煩，搞到我哋好唔自在。重點係，成間餐廳得我同朋友兩個客，唔明白佢急咩急，係咪怕我哋唔點菜就走？好不容易點咗牛油烤雞、印式燴羊肉，同埋原味同蒜蓉Naan各一。等咗一陣，菜終於上枱。咖喱份量勉強算正常，但味道好普通，無咩特別，唔會令人回味。Naan更加係災難，薄得似紙，食落去好似食空氣多過食Naan，仲要每款得4小塊，份量少得可憐，味道亦都好一般，絕對唔值價錢。最離譜係食飯途中，餐廳嘅員工（包括侍應）唔知點解成班企喺隔離望住我哋食飯，個氣氛怪到極點，似監視多過服務。仲要同一個侍應唔知點解好似失憶咁，三番四次走過嚟問我哋要唔要加菜，我哋已經好清楚話唔使，但佢五分鐘後又再問，次次都係同一個人！真係完全唔明白佢哋嘅操作邏輯，係咪想迫我哋點多啲？埋單時更加傻眼，牛油烤雞$125、印式燴羊肉$125、原味Naan $25、蒜蓉Naan $35
好不容易點咗牛油烤雞、印式燴羊肉，同埋原味同蒜蓉Naan各一。等咗一陣，菜終於上枱。咖喱份量勉強算正常，但味道好普通，無咩特別，唔會令人回味。Naan更加係災難，薄得似紙，食落去好似食空氣多過食Naan，仲要每款得4小塊，份量少得可憐，味道亦都好一般，絕對唔值價錢。
最離譜係食飯途中，餐廳嘅員工（包括侍應）唔知點解成班企喺隔離望住我哋食飯，個氣氛怪到極點，似監視多過服務。仲要同一個侍應唔知點解好似失憶咁，三番四次走過嚟問我哋要唔要加菜，我哋已經好清楚話唔使，但佢五分鐘後又再問，次次都係同一個人！真係完全唔明白佢哋嘅操作邏輯，係咪想迫我哋點多啲？
埋單時更加傻眼，牛油烤雞$125、印式燴羊肉$125、原味Naan $25、蒜蓉Naan $35，仲要加一服務費，總共$341。食物質素同份量同呢個價錢完全唔成正比，服務態度仲要咁差，加一服務費真是一個笑話。總括嚟講，珍珠皇宮食物一般、份量少、價錢貴、服務態度怪到爆，仲要畀額外服務費，真心唔會再幫襯，亦都唔推薦任何人去試！
张贴