醉辣鮮 (天空之城)

营业中

休息中

前排見到fd去左呢間餐廳, 佢話海鮮幾好, 所以去左食下!蒸海鮮同平時火鍋個d唔同, 感覺無禁熱氣!佢有幾款set, 今次叫左最平$198既set, 都已經好多野食, 食到好飽!想食得豪d, 可以叫貴d既餐, 會有龍蝦同蟹食!呢到有多大大個魚缸可以自已揀海鮮, 職員都好nice教下我地揀海鮮!$198套餐都幾豐富!一開始會有老火湯海底椰雞湯 同溫泉蛋做前菜!之後就送上一個鍋, 入面有紅棗杞子蟲草花蒸雞食, d雞幾滑!套餐入面當然唔少得海鮮, 我呢個餐有8款海鮮:元貝、鮑魚、生蠔、蟶子、蝦、沙白、花甲、蜆自已可以去自助bar拎d蒜蓉、蔥、芫茜、辣椒、粉絲等等材料, 自已鐘意放幾多就放幾多, 再去蒸!玩得又食得, 都幾得意!蔬菜可以任蒸任食, 蔬菜蒸完一d都唔老, 仲幾好食!最後會有海皇粥食, 一開始未蒸野前已經放定米同其他材料。我地一路蒸野食, d精華就慢慢滴落去, 慢慢煮粥。最後變成海鮮雞粥!最後甜品有紅棗桂圓桃膠, 劃上完美句號。呢到其實唔太難去, 只係附近無咩野行, 要特登去入黎。坐小巴或巴士既話已經係餐廳門口落車，係元朗站出發去大約5-10分鐘就到。