影片
更多
2021-09-22
3383 浏览
之前朋友幫我慶生帶我去青花亭姊妹店，主打創意菜式，裝修以綠色為主調，唔少人都係食三層架下午茶所以lunch time唔多人幾好坐，佢地亦係寵物友善餐廳。我同朋友唔想諗就叫左兩個5-course weekend retreat。 (w/ 10% service charge)Appetizer🍽他他吞吞吐吐泡泡店員拎上黎嘅時候固定台詞係「唔係清潔姐姐洗唔乾淨剩返啲泡喺度」，然後清楚介紹返有咩材料。三文魚他他幾新鮮，浸左檸檬汁，啲泡有淡淡嘅青蘋果香，建議試清楚先，之後可以撈勻配脆雲吞皮食，幾有創意嘅組合。🍽軟～殼～蟹～配著咖喱芒果吃即係軟殼蟹芒果沙律，有西柚、牛油果蓉，配青檸忌廉同咖哩芒果汁，咖哩嘅味道唔太突出，但脆身嘅軟殼蟹配清甜嘅醬汁都唔錯。Soup好似係甘筍湯，正常發揮。Main Dish🍽香煎帶子法式香草醬乾瑤柱高湯意大利飯 ($218)難得呢個名一睇就明，淺綠色嘅賣相一開始令人有啲卻步，但食落好有驚喜，飯粒索晒高湯好鮮甜，加埋香草醬中西合壁好好食，仲有乾瑤柱碎。不過落左高湯令個飯偏濕，飯粒無普通risotto咁有咬口但都未至於淋，飯入面有唔少爽口嘅蝦肉，帶子新鮮但得一粒唔夠喉。
Appetizer
🍽他他吞吞吐吐泡泡
店員拎上黎嘅時候固定台詞係「唔係清潔姐姐洗唔乾淨剩返啲泡喺度」，然後清楚介紹返有咩材料。三文魚他他幾新鮮，浸左檸檬汁，啲泡有淡淡嘅青蘋果香，建議試清楚先，之後可以撈勻配脆雲吞皮食，幾有創意嘅組合。
他他吞吞吐吐泡泡
38 浏览
0 赞好
0 留言
🍽軟～殼～蟹～配著咖喱芒果吃
即係軟殼蟹芒果沙律，有西柚、牛油果蓉，配青檸忌廉同咖哩芒果汁，咖哩嘅味道唔太突出，但脆身嘅軟殼蟹配清甜嘅醬汁都唔錯。
軟～殼～蟹～配著咖喱芒果吃
32 浏览
0 赞好
0 留言
Soup
好似係甘筍湯，正常發揮。
Main Dish
🍽香煎帶子法式香草醬乾瑤柱高湯意大利飯 ($218)
難得呢個名一睇就明，淺綠色嘅賣相一開始令人有啲卻步，但食落好有驚喜，飯粒索晒高湯好鮮甜，加埋香草醬中西合壁好好食，仲有乾瑤柱碎。不過落左高湯令個飯偏濕，飯粒無普通risotto咁有咬口但都未至於淋，飯入面有唔少爽口嘅蝦肉，帶子新鮮但得一粒唔夠喉。
香煎帶子法式香草醬乾瑤柱高湯意大利飯
$218
29 浏览
0 赞好
0 留言
🍽「對唔住！公主病發作」「吽～食炭燒肩啦～～～」($298)
呢個菜名又係暴露年齡系列，牛肩肉熟度啱啱好，外層有炭香，肉質中間嘅部分仲粉嫩，有少少筋但味道唔錯，紅波椒咖啡燒汁，騎尼得黎都幾夾。側邊嗰堆係蘭度豆配油浸蛋黃，我就唔係好識欣賞。
「對唔住！公主病發作」「吽～食炭燒肩啦～～～」
$298
31 浏览
0 赞好
0 留言
Dessert
🍽Princess Jasmine (+18)
楊枝甘露入面加左香橙茉莉花茶凍同雲尼拿雪糕，茶凍清香滑溜，雲尼拿雪糕就增添甜味，好啱夏天食嘅甜品
Princess Jasmine
$18
22 浏览
0 赞好
0 留言
🍽The Prince Emerald (+18)
番石榴薄荷雪葩配自家製青瓜青蘋果涼粉，又薄荷又青瓜透心涼，menu上嘅材料全部都食得岀，但正因為咁都幾大朕青味，當佢係實驗性甜品好了。
The Prince Emerald
$18
22 浏览
0 赞好
0 留言
☕️紅色的烏龍像是帶著梨味 ($49)
烏龍茶底加火龍果同梨汁，漸變色咁上好igable，火龍果味比較明顯，甜左少少。
紅色的烏龍像是帶著梨味
$49
20 浏览
0 赞好
0 留言
☕️養生養心唔包養身 (Hot $46)
朋友想叫熱飲就揀左呢杯養生之選，有蘋果、橙、紅棗同肉桂，佢話肉桂味幾濃烈。
P.S. 朋友訂座同confirm booking時都表明想叫蛋糕同寫HB，點知去到店員先話得指定甜品(即上面嗰兩款)，最後唔知係咪拎左afternoon tea set嘅brownie頂住當先幾好笑，都算隨機應變。
张贴
