王家沙 (已結業)

話說半月前與35知己到旺角王家沙,7時到達但要等,門口帶位員工唔錯,先俾一張菜單介紹食品,約20分鐘有,唔食煙要落下層,進入時班侍應微笑揮手帶領入座,接柯打前後都有講多謝,令人感覺唔錯.隨便叫幾道菜,東波肉,崧子桂魚,醉,咸肉津白,蝦仁兩面,2客蟹粉小籠飽,味道幾好,約$400 埋單都唔算貴.埋單後去朗豪坊行行,約半小時才發覺唔見銀包,真黑.諗諗落王家沙問一問,一入門口,哈哈,侍應話係你啦,係唔係唔見銀包,失而復得,開心.王家沙員工扺讚.