影片
更多
2023-08-23
84 浏览
餐廳：NIRAS (尖沙咀)地址：尖沙咀梳士巴利道18號Victoria Dockside K11 Musea 7樓704號舖泰國菜可以話喺香港人心目中數一數二嘅菜式🇹🇭，而最近K11 Musea呢間新開嘅泰式Fusion Fine Dining餐廳——Niras @nirashongkong 🍽，就由米芝蓮一星、啱啱拎咗2023年「世界50最佳餐廳」第15名同「亞洲50最佳餐廳」第1名嘅Le Du名廚兼老闆Chef Ton首次衝出泰國🥇，希望將品牌打入香港呢個國際都市🇭🇰，以現代嘅歐洲菜烹調手法重新演繹泰國菜式，仲加入法、日等元素創新咁打做一道又一道與別不同嘅美食，令人眼前一亮🤩「Niras」喺泰國古代詩人環遊世界嗰陣所作嘅詩歌嘅名稱，正如主廚希望可以將泰式美食混合多國特色帶到世界每一個角落一樣🌍。今次我揀咗個6-Course Signature Menu($1480)再加佢哋嘅6 Glasses Wine Pairing($780)🍷，佢哋嘅菜式定期會轉換，Wine Pairing嘅組合仲日日唔同，包你有驚喜🎊✝️AMUSE-BOUCHE四款精緻迷你前菜打開序幕，分別有煙燻油甘魚配炸
地址：尖沙咀梳士巴利道18號Victoria Dockside K11 Musea 7樓704號舖
泰國菜可以話喺香港人心目中數一數二嘅菜式🇹🇭，而最近K11 Musea呢間新開嘅泰式Fusion Fine Dining餐廳——Niras @nirashongkong 🍽，就由米芝蓮一星、啱啱拎咗2023年「世界50最佳餐廳」第15名同「亞洲50最佳餐廳」第1名嘅Le Du名廚兼老闆Chef Ton首次衝出泰國🥇，
希望將品牌打入香港呢個國際都市🇭🇰，以現代嘅歐洲菜烹調手法重新演繹泰國菜式，仲加入法、日等元素創新咁打做一道又一道與別不同嘅美食，令人眼前一亮🤩
「Niras」喺泰國古代詩人環遊世界嗰陣所作嘅詩歌嘅名稱，正如主廚希望可以將泰式美食混合多國特色帶到世界每一個角落一樣🌍。今次我揀咗個6-Course Signature Menu($1480)再加佢哋嘅6 Glasses Wine Pairing($780)🍷，佢哋嘅菜式定期會轉換，Wine Pairing嘅組合仲日日唔同，包你有驚喜🎊
✝️AMUSE-BOUCHE
四款精緻迷你前菜打開序幕，
分別有煙燻油甘魚配炸蓮藕片、
香炸咖喱芋頭球、北海道帶子配柚子汁魚子醬撻、泰式香茅青檸粟米沙律撻🥗，按次序由淡到濃味去食，相當開胃😋
✝️PRAWN | SEAWEED | SPICY BEETROOT
將本地虎蝦用水煮嘅方法烹調🔥，面頭放上泰式香料🌿、3款日本海葡萄同海藻以提升鮮香味🌊，
配搭埋加咗香辣海鮮醬喺當中嘅紅菜頭雪葩，俾你以全新嘅風格同食法去品嚐猶如泰式生蝦嘅滋味🦐
🥂法國CHARLES NINOT BLANC DE BLANCS BRUT：白中白嘅迷人之處在於酒體輕盈，汽泡當中散發住清新果香，酸度明顯
✝️OYSTER | THAI SICHUAN PEPPER | NORTHERN SPICE
將日本生蠔煮熟🦪，配上辣味代表：四川花椒醬同用泰國Jinda Chili提煉嘅麻辣椒油🌶，仲有甜味代表：用青蔥整成嘅Creamy泡沫醬汁同青瓜絲🥒，甜中帶辣，辣中帶Creamy口感，同本身嘅蠔形成雙重滑溜口感
🥂意大利TENUTA SAN LEONARDO VETTE DI SAN LEONARDO 2021：高酸度嘅白葡萄酒帶出陣陣柑橘同桃味，後勁仲有啲四川花椒香
✝️AMADAI | THAI KALE | CHOO CHEE CURRY
輕炸過嘅泰國羽衣甘藍秧插喺脆炸豬肉蝦肉球當中，肉質彈牙厚實有濃郁肉香🐷🦐，底層仲有幾款羽衣甘藍磨製而成嘅青醬，中和咗油膩感👍；
另外有立鱗燒石班魚，做到皮鬆脆肉甘香軟嫩，加埋帶有陣陣椰奶香嘅泰式稠紅咖哩汁，好有一種泰日Fusion嘅感覺😍
🥂雲南紅老樹4星水晶全汁乾白葡萄酒：用雲南獨有嘅水晶葡萄釀製，口感Creamy順滑，帶有持久嘅回甘同水果香
✝️CRAB | MUSHROOM | HOMEMADE SIRACHA
將手拆出嚟嘅日本蟹肉🦀，放喺加咗蘑菇碎同蘑菇汁嘅茉莉香米上面，
配搭埋三款醬汁：自家製是拉差辣椒醬、黑橄欖醬同冬陰功蟹膏醬，蘸唔同嘅醬汁帶嚟唔同嘅驚喜同風味，我最鍾意既喺有泰式風味又令蟹鮮香提升咗唔少嘅蟹膏醬😋
🥂新疆天塞精選霞多麗乾白葡萄酒2021：清新俐落，水果滋味層出不窮，餘韻仲有奶油同堅果香
✝️WAGYU | FENNEL | HOLY BASIL
用和牛本身嘅油脂油封日本和牛🐮，
食起上嚟軟嫩多汁💦，牛肉羶香突出。
配埋茴香醬汁、聖羅勒同用咗紅酒同泰式辛香料調配嘅燒汁，風味更加倍增🆙
🍷意大利ARISTOCRATICO APPASSIMENTO IGT SALENTO：酒體圓潤，有非常成熟嘅果香，獨特嘅香料同朱古力甜味，解辣同配紅肉一流
✝️STRAWBERRY | HIBISCUS SORBET
喺草莓果凍上面放上清新嘅洛神花雪葩同香甜嘅士多啤梨🥭，再加上薄脆片豐富咗甜品嘅層次，食完咁多肉類同海鮮再食呢個甜品，可以話有清清口腔嘅作用👄
✝️MANGO | STICKY RICE | LEMON
用咗泰國超煙韌黑糯米，食落有輕輕鹹椰奶香，配上有陣陣檸檬香嘅綠豆蓉，
面頭放咗香烤焦糖腰果、泰國香甜芒果肉🥭，連埋旁邊嘅芒果雪糕配餅碎一齊食，口感層次瞬間提升⬆️，令整體味道清香咗唔少，喺芒果糯米飯嘅特別版😆
✝️PETIT FOUR
最後嘅4款甜品用咗靚靚木盒裝住🧁，為呢一餐畫上完滿句號：
充滿朱古力濃香嘅朱古力焦糖鬆脆撻🍫、面頭有金箔而內有香蕉餡料嘅的骰糯米糕🍌、紅火龍果、
灑咗少少黃糖喺面嘅番石榴
🥂：法國CHÂTEAU DES PLASSONS RASTIGNAC PINEAU DES CHARENTES：干邑白蘭地，經過二次蒸餾，濃烈酒香當中散發住猶如蜜糖同雲呢拿甘甜回香，喺甜品嘅絕配
Niras所賣嘅喺豪邁裝修同望到維港海景嘅有利位置🌃，以歐式烹飪手法配合泰式食材同特色，整成一道道精緻巧妙嘅Fusion菜式，加上唎酒師團隊嘅Wine Pairing驚喜🥂，飽唔飽同抵唔抵食就見仁見智，但喺香港嚟講泰式Fusion Fine Dining餐廳真喺非常罕有✨
张贴
