影片
更多
2006-08-19
14 浏览
8/17/2006本身喜愛食羊肉都係近幾年o既事,咁o岩之前OR於呢樹舉辦全羊宴因時間唔o岩不能一嚐其羶,係心掛掛之下於一次飯局中同友人提議試下全羊宴,就係咁7個羊痴準時開餐…….羊肉餡餅(要預訂)—餅內羊肉餡鮮嫩咬落唔會死實實加上有輕微肉汁,的確唔錯但一定要趁熱食風味烤羊排(要預訂)—食落麻辣感覺各自精彩,本身食得辣o既我都要叫支汽水黎消消!羊肉手抓飯—望落見飯粒同紅蘿蔔粒頗濕,但食落充滿香料同羊肉味估計應用羊肉汁同煮,唔錯!香酥羊腩—即酥炸羊腩食落肉質鮮嫩啖啖肉,但感覺比較油食一舊已足夠冰鎮西蘭花—配上特色醬汁可暫時中和一下當晚o既油膩鹿肉薄餅—用另上o既餅皮包住同包含鹿肉碎o既配料一同食,普普通通!而伴碟o既土豆絲食落酸酸地比主菜更好食!魚羊鮮窩—用火鍋形式上見麻辣同清湯各佔一方,清湯入面有羊肉丸另再配鱔片一碟,食落唔覺冇咩驚喜而肉丸咬落比較實,可以唔食羊肉餃子(見圖)—雖然好普通o既菜式,但食落充分感覺到羊肉o既味道真正o既簡單就是美,重係當晚唯一再叫菜式,但如加入些少菜或蔥於係餡內應會更加好食!烤羊排—即之前風味羊排普通版差別在於係冇麻辣,但因冇麻辣香料關係食落羊味比較出,唔
本身喜愛食羊肉都係近幾年o既事,咁o岩之前OR於呢樹舉辦全羊宴因時間唔o岩不能一嚐其羶,係心掛掛之下於一次飯局中同友人提議試下全羊宴,就係咁7個羊痴準時開餐…….
羊肉餡餅(要預訂)—餅內羊肉餡鮮嫩咬落唔會死實實加上有輕微肉汁,的確唔錯但一定要趁熱食
風味烤羊排(要預訂)—食落麻辣感覺各自精彩,本身食得辣o既我都要叫支汽水黎消消!
羊肉手抓飯—望落見飯粒同紅蘿蔔粒頗濕,但食落充滿香料同羊肉味估計應用羊肉汁同煮,唔錯!
香酥羊腩—即酥炸羊腩食落肉質鮮嫩啖啖肉,但感覺比較油食一舊已足夠
冰鎮西蘭花—配上特色醬汁可暫時中和一下當晚o既油膩
鹿肉薄餅—用另上o既餅皮包住同包含鹿肉碎o既配料一同食,普普通通!而伴碟o既土豆絲食落酸酸地比主菜更好食!
魚羊鮮窩—用火鍋形式上見麻辣同清湯各佔一方,清湯入面有羊肉丸另再配鱔片一碟,食落唔覺冇咩驚喜而肉丸咬落比較實,可以唔食
羊肉餃子(見圖)—雖然好普通o既菜式,但食落充分感覺到羊肉o既味道真正o既簡單就是美,重係當晚唯一再叫菜式,但如加入些少菜或蔥於係餡內應會更加好食!
烤羊排—即之前風味羊排普通版差別在於係冇麻辣,但因冇麻辣香料關係食落羊味比較出,唔錯
醬沾小脆瓜—普普通通只用黎降下油膩感
清湯牛腩—食落肉香唔錯加上煮得夠淋,幾好
駱駝肉薄餅—同先前鹿肉薄餅一樣但食落味道比鹿肉優勝!
本身見人數唔多下冇預訂烤羊腿,飯間從老板娘口中知道5至6人應足以消滅,令到約局o既我飽受友人於席間o既強烈怪責,只可以講唯有下次補返數啦,另因自攜葡萄酒之前店舖已知會收開酒瓶費每支$50,最後大家傾下之下開左6支酒只收兩支錢,最後埋單總共$1380 以價錢黎講食到個個都捧晒肚同加上食左咁多種唔同煮法o既羊肉菜式都唔算貴,但如唔係羊痴或食肉獸應會到半途中已經感到吃不消!而環境本來都o.k.但因天花有滴水關係令一路食受住間歇性滋擾,另冷氣於人多時比較唔夠凍令本身大汗o既我係一路食一路流汗!服務方面雖然只得3個人但整體都唔錯於落單時都會講解一下同清碟都快快手!
张贴