影片
更多
2017-02-27
885 浏览
週六天氣突然轉冷，我地喺會所燒烤完都想落樓下食個糖水暖暖胃。講到發記，真係幫襯過無數次，但每次都好唔情願，而且次次都話唔再黎食。奈何呢度佢獨市…今次食完都依然同過往一樣，唔想再食！週六晚上，人流頗多，我地一行六人，坐低左之後，都好快諗好食啲乜。揮手一段時間都冇人理會，唔係員工扮睇你唔到，而係員工有分身都搞唔掂，咁大間野，人手不足，眼見黎黎去去嗰三個人。終於舉左一輪手，成功落左單。朋友點嘅糖水我就冇特別影相，但個個都食到乸哂口面！陳皮紅豆沙 $23朋友點嘅紅豆沙，都唔期望佢會起沙，豈料居然黎左碗紅豆水！質地完全稀身，最慘係紅豆得幾粒，一隻手數得哂，好搵笨！另外兩位朋友點嘅燉奶亦都非常一般。芒果益力多沙冰 $59呢個由佢四十幾蚊食，一向覺得佢地嘅沙冰已經叫做最可取。食到而家挨近六十蚊，仲要差左好多！第一，賣相零分，點解碟沙冰可以核突到咁，跌左落地執番上黎？芒果冰唧到斜哂，半溶狀態，紅豆支離破碎。第二，份量縮水，價錢就不加左，愈食愈少冰。味道依然都只係勉強能夠入口，芒果味變淡，還好，沙冰附兩粒湯丸，另加的話值6蚊架喇！玫瑰百合燉海底椰 $38 + 湯丸 ($9/3粒)漏單之選，成枱人嘅糖水都
週六晚上，人流頗多，我地一行六人，坐低左之後，都好快諗好食啲乜。揮手一段時間都冇人理會，唔係員工扮睇你唔到，而係員工有分身都搞唔掂，咁大間野，人手不足，眼見黎黎去去嗰三個人。終於舉左一輪手，成功落左單。
朋友點嘅糖水我就冇特別影相，但個個都食到乸哂口面！
陳皮紅豆沙 $23
朋友點嘅紅豆沙，都唔期望佢會起沙，豈料居然黎左碗紅豆水！質地完全稀身，最慘係紅豆得幾粒，一隻手數得哂，好搵笨！
另外兩位朋友點嘅燉奶亦都非常一般。
芒果益力多沙冰 $59
呢個由佢四十幾蚊食，一向覺得佢地嘅沙冰已經叫做最可取。食到而家挨近六十蚊，仲要差左好多！
第一，賣相零分，點解碟沙冰可以核突到咁，跌左落地執番上黎？芒果冰唧到斜哂，半溶狀態，紅豆支離破碎。
第二，份量縮水，價錢就不加左，愈食愈少冰。
味道依然都只係勉強能夠入口，芒果味變淡，還好，沙冰附兩粒湯丸，另加的話值6蚊架喇！
芒果益力多沙冰
$59
28 浏览
0 赞好
0 留言
漏單之選，成枱人嘅糖水都食哂，我呢碗都未黎。
人手不足，當然都係要金睛火眼睇清楚有冇店員喺眼前略過！終於捉住到一個，問完佢，見佢喺部機督左幾下，我碗糖水就突然送到我面前。
至於佢係漏左單，定整好左冇人手拎出黎，我傻傻分不清。
玫瑰百合燉海底椰 + 湯丸 (3粒)
$47
19 浏览
0 赞好
0 留言
呢碗整體係甜水，完全冇玫瑰味，你見到啦，得幾粒完全唔會開嘅玫瑰做下樣。
海底椰爽口，但有兩片食落係苦嘅。
最可取係我加錢加嘅3粒湯丸，size比較迷你，芝麻餡，煙煙韌韌。
玫瑰百合燉海底椰 + 湯丸 (3粒)
$47
26 浏览
0 赞好
0 留言
张贴
