發記甜品

買外賣5碗 就咁擺入膠袋 紙皮都無張墊底 叫人點拎？ 仲要一擺完入膠袋比我地個下入面已經倒瀉晒 睇到就已經呆左 都算 叫左楊枝甘露小丸子 楊枝甘露芋圓 芒果涼粉同芒果西米小丸子 無一碗好食 仲要係好！難！食！ 楊枝甘露啲西柚苦到喊 小丸子都未熟 入面個心啲粉仲係硬 芋圓仲經典 成舊擦子膠咁 完全無味 芒果西米小丸子 又無椰汁又無芒果汁 就咁3樣野求其溝埋咁點食？ 涼粉更加唔駛講 以為自己叫錯左龜零膏 全部都食左半碗就頂唔順 浪費金錢！！ Blacklist!!…查看更多

深井發記糖水，從好耐以前開始，就已經耳邊成日聽到佢深井食糖水嘅口頭禪，但一直都未有機會嘗試。而家我就去試咗深井發記糖水嘅招牌楊枝甘露，開頭會諗佢嘅楊枝甘露嘅價錢比其他市面上糖水舖嘅貴，到底佢貴得值唔值得，一直都成為我心目中嘅疑問，而食完就會明白一分錢一分貨嘅道理，所有嘅材料同質素都係好上乘，濃而不溜嘅原因令我深深體會比。上比碟嘅溫度適中，丸子有咬口，芒果同柚都好好味。…查看更多

不嬲都聽人講發記出名難食，大不如前（講緊好多好多年前😂）但深井又冇其他糖水舖。有一晚突然間好想食糖水，喺發記外賣咗碗芒果西米露，返到屋企一打開個蓋都覺得唔對路，碗嘢勁冇靈魂，好淺嘅奶白色，啲西米好似未煮熟咁。西米還西米、水還水、芒果還芒果...食咗第一啖仲要帶一陣輕輕嘅酸宿味🤢🤢🤢最後我倒咗😢😢😢我真係唔明點解一碗咁經典、咁簡單嘅芒果西米露都可以整到咁難食😅我唔知係咪佢放咗太耐所以宿，好恐怖...奉勸大家唔好嘥錢…查看更多

人生第一次打食評，因為實在太差，所以要評。好一碗芒果西米露，竟然是一碗淡而無味的水，係水，原本諗住低糖健康都ok，但最後都係忍唔住，叫態度極「有禮」的老闆換過，他也非常「有禮」的再拿一碗一模一樣的西米水出嚟。最後，我只有接受，原來世界已經變咗，童年最愛的西米露都變咗，呢次食到一肚火，唔知為乜😌…查看更多

元朗特登揸車去買個外賣～叫左個「頂級榴連水晶粉」不知道是不是發記特色，個水晶粉有酸味，但係我係叫糖水，唔係酸辣粉走辣🤔好似變壞左咁。而榴連容係無問題的。然後到楊枝甘露，甘露沒有甜味，試下件芒果先～咦！Keep到wor！都係無味！到底我食緊d咩？食到懷疑人生。然後到榴連班戟比較正常既味道，係厚皮d姐。起碼唔洗懷疑人生。總括黎講價錢就好貴份量很少可能係特登既，掉起上黎唔洗太浪費大家又唔洗勉強食咁多。…查看更多

唔知點解入深井明明好飽都要食過發記甜品先走今日帶咗個榴槤奶凍同埋心太軟，個榴槤奶凍好香，上面有d榴槤蓉啖啖濃郁榴槤！心太軟都好好食既，唔會焗耐過龍。但係價錢就真係好貴，同我頭先食晚飯差唔多價錢…查看更多

食咗$210 ，但都係麻麻地好食，只係食完燒鵝順手過嚟食下甜品。依個榴槤甜品入面有小丸子同埋雲呢拿雪糕，啲榴槤好似渣咁樣，一啲都唔creamy，成個甜品都好油膩，雪糕又好甜咁樣撈埋一pat，仲要成差唔多$80 ，我覺得好唔值。水果茶係正常味道，但係水果都係唔多嘅，求其擺一兩舊敷衍下你咁樣。士多啤梨沙冰個顏色同餐牌嗰個有分別，餐牌嗰個係鮮西瓜紅色，黎到變咗粉紅色，味道係偏甜同埋比較多奶味。綠茶沙冰好似嫵媚咁樣，成杯野好似飲冰咁樣，紅豆好菜比較軟身一啲，算係比較易入口嘅嘢。我真係唔會再黎，呢度啲甜品又貴又唔好食！…查看更多

份量係比其他糖水舖細，但都唔緊要，至幣係難食到嘔🥴嗌左紫米露，得個甜，無紫米味，我好似係度嗒緊粒糖咁；另外仲買左楊枝甘露，花奶勁多，個味完全唔掂今時今日 你地仲咁做生意點叫人再幫襯你 住附近都唔會食你…查看更多

差唔多一年前改左menu，餐具，價錢。之後變好貴，點知分量都好細，有時一個人要叫兩份。無奈深井冇其他選擇，有時同朋友食完燒鵝想食甜品唯有一間可以去。前所未有低性價比啊價錢係出邊甜品1.5-2倍。…查看更多

店員好無禮貌，勁西面，唔比帶狗可以出聲，又要企喺我地後面睥住晒！一路行一路眼超超！已經路係坐得舒服！價錢貴，質素差。出去食事旦一間都好食過佢。個竽圓一咬就散，布甸勁甜但又係好散！啲配菜勁少，菜單見倒好多料，出到黎係份量一半都無！ 食完好谷氣，垃圾到爆，爭啲想唱衰呢間野。 我地仲要食完返到都話肚痛，我痛左成兩個鐘！唔係因為見深井無咩糖水店，一定唔會份黎呢間食😪不過好就好在，呢間野唔爆，我諗呢頭啲人都知好伏…查看更多

食完燒鵝，再戰甜品，聽朋友介紹左好多次，今次終於去試下啦！去到既時候唔算多人，所以一去到就有位，不過可能因為轉左手，所以同朋友介紹既有少少落差感。比較中式既我就無影相啦，但佢個益力多棉花冰都可以接受既。益力多味重，冰夠棉，夠滑，如果去食，一定要叫多一次！見隔離枱叫左芒果糯米糍，然後我就外賣一個返屋企，確實皮簿涵靚！值得一食…查看更多

比較貴的甜品店有日週末下午同屋企人入深井食燒鵝飯，食飽飯後行一陣海邊睇人釣魚，或行公園睇人放狗，影下日落，其實係一個唔錯嘅週末拍拖節目。行完之後，想係附近食埋個甜品先走。由於附近甜品店舖較稀少，只發現呢一間有售甜品，所以第一次試試。我們是下午茶時間來幫襯，沒有客人，不用等位。我叫了一個雪糕士多啤梨窩夫，賣相和味道都不錯，分量亦OK。而價錢相對比較貴，但勝可以任你坐幾耐都得，店舖員工也很禮貌。不過如果價錢能調低一點會更好。老公就選了一個芒果涼粉，輕鬆享受一個懶洋洋的下午。想Hea下，呢度都係一個唔錯嘅選擇。…查看更多

近排周圍都封路有危險，所以朋友話揸車去深井附近吹下水，就黎左發記食個糖水先。一去到望到個餐牌都覺得偏貴，但黎得食都預左，算數。叫左個梳乎里配雪糕，都等左15分鐘，應該係即叫即做，黎到時都見佢黑左都知“爖”左唔好食，真係貼錢買難受。…查看更多

上年試過，中伏到街知巷聞。近排聽聞轉咗人，即管再試。見餐牌都唔同咗，價錢貴咗。叫咗個梳乎尼並雪糕，益力多芒果棉花冰真心覚得好食，梳乎尼彈彈下，入口香軟滑，雪糕就一般水凖啦，棉花冰加埋鮮芒果同丸子，又係好滑，唔過甜，連平時唔好甜品嘅男人都清底！會再幫襯！P.s. 深井人對佢成見好深，聲稱甜品舖執清都唔會幫襯。其實想講，人會變社會會變，比個機會人地比個機會自己！如果鐘意甜品，可以再試不過傳統糖水無試著，唔作評論。…查看更多

諗住夜麻麻食過好糖水醫下第二個胃，點知入到去冇乜嘢揀，出到黎又細碗，兩啖已經冇咗，味道又差，任何一間甜品店都比佢更好更便宜都唔知點解質素越放越差，其他分店都冇咁差…查看更多