潮州合成甜品

营业中

休息中

不同種類、各式各樣甜品店隨處可見，中、西、日式任君選擇。中式甜品店以廣東糖水為首，至於其他代表要算係潮洲糖水，以我所知九龍城裡面嘅潮洲合成甜品供應嘅潮式糖水可以講得話全港獨有。 傳統潮式糖水各種材料配搭有差不多六十多款睇到眼花繚亂，而且每樣材料都有個別食療作用，食糖水之餘又可以對身體有益， 怪不得長年都座無虛席啦。蓮子雪耳薏米柿餅 - 全部材料都係我最鐘意嘅，尤其杮餅因為一般唔會喺食店供應。 蓮子、雪耳、薏米軟硬適中，每樣都有唔同質感，糖水清甜。冰花清心丸薏米馬蹄沙 - 馬蹄沙同樣市面少見到，馬蹄啄碎混合類似混入馬蹄粉，所以好幼滑，清心丸係潮流出名嘅食品本身無乜味，非常煙煙韌韌好有咬口，薏米令到整體更加豐富，糖水混入蛋花令味道非常香甜。