Lion Rock (已結業)

慕名而來，試下二人下午茶，今期做緊水漾年華下午茶套餐。個景望住獅子山好舒服！每一樣食物都好精緻，好好味！只不過係真係比較細件咗D！細細件都可以，但係在每樣多一人一件就好啦！火炙三文魚手鞠好多味道嘅層次！碎吞拿魚腩牛油果最中餅都幾特別！提子鬆餅夠鬆軟但係真係太細粒！其實呢個鬆餅最好每人有四粒！最終嗰個54%朱古力草莓慕絲蛋糕半草莓醬球嘅朱古力味夠濃，我鍾意！但係最後其實金箔櫻花水信玄餅係最靚，但係味道到就差啲！其他都係好欣賞！服務亦都非常之周到其實就真係唔係好抵食但係成個晏晝坐下來傾吓計都係值得嘅！