影片
更多
2021-04-03
373 浏览
2021年3月28日 星期日又到左週末嘅時間，當然要抽時間陪下屋企人，所以今日就同老婆約咗屋企人去尖沙咀食飯，選擇咗我爸最鍾意食嘅火鍋一入到門口就俾佢裏面嘅裝修嚇親，因為好似置身宮廷咁樣，仲提供服裝俾你着上去影相添坐低咗之後睇返餐牌，估唔到連火鍋名都有宮廷元素，其中火鍋湯底用咗唔同公主嘅名，幾特別，最後我哋要咗長平公主，即係豬軟骨番茄湯，再加其他配料一落完單之後店員就送上調味盤俾我哋，賣相好精緻，就連豉油都用咗個鼎嚟裝住，可以自由調味，最特別嘅地方係有白芝麻同葱油，好少餐廳會提供大約10分鐘之後湯底就送到，見到係好濃郁嘅番茄湯底，裏面仲有好多豬軟骨，湯底幾鮮甜之後食物就開始陸續送到，首先有手切頂級安格斯牛肉，睇得到牛肉切得好薄，而且脂肪分布好平均，放落去火鍋到淥大約1分鐘左右已經熟晒，食落去充滿牛肉味之後有肉丸拼盤，分別有三款唔同嘅味道，其中我覺得松露芝心墨魚丸最好食，因為咬落去真係食到芝士流心嘅效果，而且松露味好出全部丸類都幾彈牙，有咬口，真係似手打嘅至於呢一個餃子拼盤，有韭菜豬肉餃、鳳尾鮮蝦雲吞、黑松露蟹肉餃等等，真係做到皮薄餡靚，每一隻都包到好足料，就連鮮蝦雲吞都見到有隻蝦尾喺度
又到左週末嘅時間，當然要抽時間陪下屋企人，所以今日就同老婆約咗屋企人去尖沙咀食飯，選擇咗我爸最鍾意食嘅火鍋
一入到門口就俾佢裏面嘅裝修嚇親，因為好似置身宮廷咁樣，仲提供服裝俾你着上去影相添
坐低咗之後睇返餐牌，估唔到連火鍋名都有宮廷元素，其中火鍋湯底用咗唔同公主嘅名，幾特別，最後我哋要咗長平公主，即係豬軟骨番茄湯，再加其他配料
一落完單之後店員就送上調味盤俾我哋，賣相好精緻，就連豉油都用咗個鼎嚟裝住，可以自由調味，最特別嘅地方係有白芝麻同葱油，好少餐廳會提供
大約10分鐘之後湯底就送到，見到係好濃郁嘅番茄湯底，裏面仲有好多豬軟骨，湯底幾鮮甜
之後食物就開始陸續送到，首先有手切頂級安格斯牛肉，睇得到牛肉切得好薄，而且脂肪分布好平均，放落去火鍋到淥大約1分鐘左右已經熟晒，食落去充滿牛肉味
之後有肉丸拼盤，分別有三款唔同嘅味道，其中我覺得松露芝心墨魚丸最好食，因為咬落去真係食到芝士流心嘅效果，而且松露味好出
全部丸類都幾彈牙，有咬口，真係似手打嘅
至於呢一個餃子拼盤，有韭菜豬肉餃、鳳尾鮮蝦雲吞、黑松露蟹肉餃等等，真係做到皮薄餡靚，每一隻都包到好足料，就連鮮蝦雲吞都見到有隻蝦尾喺度，真係成隻蝦放咗落去！！
之後仲有公主油炸鬼，係將油炸鬼切開一半再讓入蝦膠，淥熟咗之後既食到蝦膠既彈牙，又食到油炸鬼嘅脆身，口感幾特別
呢兩款分別係手打蟹子蝦滑同手打黑松露魚滑，淥完之後仍然好有咬口同彈牙，仲充滿黑松露味添
最後當然唔少得打邊爐必食嘅炸魚皮啦，呢一個炸魚皮係店舖自家製即炸嘅，所以比較大塊，而且更加脆身，加上已經調過味，所以味道唔錯
最後埋單四個人，每人大約300幾蚊左右，但係食到個個差唔多飽住咁走，性價比幾高
张贴
