Fleur (南豐紗廠)

营业中

休息中

超期待南豐紗廠喺6月初的朱古力甜品祭，同狗狗、狗狗爸爸第一日嚟，撞啱打完風，人少啲，搵嘢食好順利，亦坐得鬆動啲~朋友嚟過呢間餐廳話幾好食，今次我哋就試下。睇餐牌時，店員已經好主動、好cheerful咁招呼我哋，同埋呢度有狗狗餐，已經唔使多諗。喺可能範圍下，無論啲狗狗餐係咪抵食，我同狗狗爸爸都會幫狗狗點餐，因為想佢同我哋一樣待遇吖嘛~我點咗椰菜花扒，狗狗爸爸要雞肉漢堡，狗狗就嚟一個大寵物餐。椰菜花扒：部分餐廳開始提供呢款菜式；呢度的椰菜花扒較細，味道ok，比起南豐紗廠的rooot，後者味道出色啲，而同之前去過的frites相比，frites就係絕對出色，呢間只係不過不失。值得一讚的地方係，如果for打卡，佢真係冇得輸，擺盤靚，又有食用花點綴，個醬都唔錯，但食完好快肚餓雞扒包：好多檯客都有點，望落大件夾抵食，狗狗爸爸亦讚唔錯狗狗餐：點咗大份，好豐富；有3種食物：雞肉、肉凍同香蕉蛋糕；蛋糕有啲硬，可能焗時冇掃油，蛋糕痴實張紙；雞肉ok，唔會好鞋；肉凍係骨頭造型，好別緻；呢個狗狗餐比rooot好好多，食物應該係自家製，而且抵食（rooot係由外面提供的鮮食包，最平$89/份，狗狗好快食完），呢