第三站

Station 3 cafe 位於高層，俯瞰旺角夜景，而且仲有獨立廂房，私密度十足，有得玩又得食，唔單止有多款西食美食挑選，而且仲有好多board game 比大家同朋友決一勝負～食物方面，小編試左以下幾款：1️⃣蟹肉闊條麵⭐️⭐️⭐️⭐️蟹肉丈足料～舖滿麵條嘅面啖啖肉，意粉個汁都調得唔錯，唔會太杰或者太乾，而意粉本身texture 唔錯，有咬口得嚟唔會太韌。如果鐘意食三色椒嘅朋友會更加鐘意，因為餐廳加入左三色椒，令意粉都有啲草青味～2️⃣鴨胸意大利飯及蜜糖雞翼⭐️⭐️⭐️⭐️鴨胸燴得唔錯，飯都幾入味，而且彈牙得嚟唔會太硬身，意大利飯都有加入三色椒～蜜糖雞翼非常好味，燒嘅火候啱啱好，有效鎖住肉汁，落咗啲蜜糖甜甜地好Juicy😋最後飲品方面都好別出心裁，餐廳有自己調製一啲茶類飲品，唔單止好味，而且仲寫咗對身體有咩好處，食客可以選擇適合自己嘅養生茶～而且有一啲特色嘅塔羅特飲，好多喺其他餐廳都冇見過，感覺就好似酒吧有自己signature cocktail 咁。大家都嚟嘆番壺寧神靚茶減下壓，勞累嘅工作之後好好enjoy 下生活～