影片
更多
2023-06-07
320 浏览
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧其實喺室外見到佢個門口比較隱藏但係充滿神秘感，入邊裝修充滿特色，呢個餐廳嘅特別之處係佢有好多特別菜式，另外豐富選擇酒類或者雞尾酒，餐廳分上下兩層，環境深得我心，絕對係同朋友飲多幾杯談心好去處！食物方面不斷有驚喜！Pulpo Callega romesco Sous cide pain octopus低溫慢煮八爪魚口感非常軟腍，帶少許煙煙韌韌，配搭沙律蕃茄等，絕對推薦！Caprese salad可以見到佢哋有buffalo cheese、black tomato和raspberry balsamic，色彩繽紛之餘亦都係好既開胃小菜Gambas Ai Ajillo 橄欖油蒜油大蝦配搭法包Hokkaido Scallop Tartare 賣相10分吸引，帶子切粒大細啱啱好，加上有飛魚子同鮮花喺最上面做裝飾，下面亦有互成薄片的蕃茄，主要係用魚露調味。Steamed rice with beef and poached egg比較特別嘅一道菜，因為係用左意大利米去做煲仔飯，邊個又可以抗拒流心蛋加牛肉，再加上秘製蘑菇汁Roasted France
其實喺室外見到佢個門口比較隱藏但係充滿神秘感，入邊裝修充滿特色，呢個餐廳嘅特別之處係佢有好多特別菜式，另外豐富選擇酒類或者雞尾酒，餐廳分上下兩層，環境深得我心，絕對係同朋友飲多幾杯談心好去處！食物方面不斷有驚喜！
Pulpo
Callega romesco Sous cide pain octopus
低溫慢煮八爪魚口感非常軟腍，帶少許煙煙韌韌，配搭沙律蕃茄等，絕對推薦！
Caprese salad
可以見到佢哋有buffalo cheese、black tomato和raspberry balsamic，色彩繽紛之餘亦都係好既開胃小菜
Gambas Ai Ajillo
橄欖油蒜油大蝦配搭法包
Hokkaido Scallop Tartare
賣相10分吸引，帶子切粒大細啱啱好，加上有飛魚子同鮮花喺最上面做裝飾，下面亦有互成薄片的蕃茄，主要係用魚露調味。
Steamed rice with beef and poached egg
比較特別嘅一道菜，因為係用左意大利米去做煲仔飯，邊個又可以抗拒流心蛋加牛肉，再加上秘製蘑菇汁
Roasted France Yellow Spring Chicken
好搶眼一道菜，熊熊烈火燒香雞嘅上下表面，令到我去皮鬆脆，仲有多款豐富配菜
Spanish Cochinillos De Segovia Sucking Pig
乳豬會先經過慢煮嘅方式，令到內在肉質變得比較軟，之後再拎去燒令到外皮鬆脆，點上微微帶酸醬汁，加上佢本身都唔係好油膩，真係食到停唔到口！
另外要提到餐廳嘅雞尾酒絕對出色，選擇種類多之餘亦有好多好有特色嘅雞尾酒，外型搶眼之餘大家都對佢哋嘅雞尾酒呢讚不絕口！
Golden Chrysanthemum Tea
用chry gin 做base,再加入桂花糖漿，菠蘿汁同埋菊花茶，菊花茶嘅味道其實都好出，然後後尾感受到桂花香味，同埋果味！黃色雞尾酒用高腳杯細緻泡沫上加上桂花同埋少少乾花做點綴，相信外型同味道都深得大多女仔喜愛
Bleeding Vine
個名聽落去血腥但係其實杯嘢清新可口，點解咁話呢因為呢佢用咗清酒做base,其他嘅材料就比較中式啦例如有啲紅酒洛神花紅棗雞骨草，一開頭見到杯野其實係比較透明，交錯雞骨草中間有一粒調味過嘅洛神花，不斷飲用嘅時候呢洛神花會將味道同顏色融入酒中，越飲越有味而且顏色都會變得更加紅艷
如果唔想錯過其他好介紹，記得follow我呀😘多謝大家！！！
你嘅支持就係我嘅動力！記得點讚❤️
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧
Sow by Loft 7 (上環)
上環荷李活道189號華冠大廈地舖
୨୧┈┈┈┈┈┈┈┈┈┈┈┈┈┈┈┈┈┈┈┈୨୧
张贴
