自家麵

营业中

休息中

喺西貢行山或者練龍舟之後肚餓，總要喺西貢市中心搵嘢食。今次就去咗西貢碼頭附近嘅小店食米線。可能係因為星期六中午嘅關係，加上店舖面積唔大，所以都要等大概10分鐘到入座。餐牌入邊都提供左好多配菜可以選擇都可以選擇，例如牛肉，雞肉，半肉等。拉麵有四種粗幼選擇，而湯底都有清湯麻辣胡椒湯底，加埋有無窮配搭任君選擇。今次我就點左蜂巢豆腐肥牛粗麵胡椒微辣湯底，唔太食得辣嘅我，微辣胡椒味辣度適中，恰當好處。蜂巢豆腐最正嘅地方係豆腐吸收哂湯底嘅精華，咬落豆腐嘅時候湯汁即係喺口內爆發，十分滋味。而肥牛滑得嚟充滿肉味，食哂碗麵要飲哂胡椒湯先夠暢快。店內亦提供汽水同凍檸茶等緊飲品，食完辣野有返凍野清清口腔。總括一餐每人70-80蚊，食到一碗令人滿足同溫暖嘅自家麵係值回票價的。