榮哥廚房私房菜

营业中

休息中

今日試咗間觀塘嘅私房菜😬前菜有沙律菜，自家製甜酸齋，墨魚仔，流心蛋厚切茄子。甜酸齋無街個啲咁多色素，酸酸甜甜，我最鍾意食流心蛋茄子，啲茶燻味好得意！湯有燉哈密瓜螺頭黑毛豚肉湯 & 燉川貝陳皮海底椰鱷魚肉湯，燉湯好足料同會比老火湯清甜。黑松露醬炒𧄌班球露筍，班塊鮮味有魚味。蝦球水芙蓉，有啲似燉蛋白。新會陳皮黑豚肉排骨，都幾重陳皮香味，可以減少排骨嘅油膩感。韓泡汁煮牛面肉配雙色羅蔔，牛面肉同羅蔔都吸晒啲汁好腍。魚湯有機時令鮮蔬，食啲菠菜健康啲。主食係他鄉炒米絲，超大碟，莆田米粉炒得乾身彈牙，仲有啲西班牙黑毛豬火腿做點綴。甜品係薑汁湯圓，超有薑味。