首首.韓式小館 (已結業)

去年聖誕節在利東街附近影了很多靚相，那時閒逛就留意到一間韓式小館，一於搵日去試試！餐牌有輕食、肉類、海鮮、滋味小菜和甜食，也有傳統韓國餐，另有推介或者辛辣食物，好吸引！裡面的卡位好舒服，侍應又會不時斟水，服務不錯。先來一客韓式脆雞塊配自家製甜辣醬 $95  辣椒是一等級，的確是有少許微辣，雖然用 小pot 裝起的熱鍋份量不多，但勝在全部都是起骨的雞件，甜辣味出眾，又沾上芝麻粒，的確好脆又滋味！但外層的脆漿有點厚，薄一點更好。迷你糖漬小銀魚紫菜飯卷 $88飯卷外表晶瑩剔透，沾上芝麻粒粒好吸引，裡面釀了香葉、蘿蔔絲和小銀魚絲，一口一啖可以食到所有配料，不會好鬆散。另伴有一小碟泡菜，飯配上泡菜，使香辣滋味更突出。韓式海鮮炒韓國粉絲 $98可選牛肉、海鮮、雜菜，選了用海鮮來炒好惹味又新鮮，與青椒、冬菇一併炒更香口。韓式炒粉絲好彈牙，柔軟又腍身，幾好味。自家製雲尼拿雪糕伴甜合桃及黑白芝麻脆片 $68 雪糕好軟滑，甜度適中，配上脆片食更香口，將黑白脆片沾雪糕吃起來不會好膩，挺特別的韓式甜食。