影片
更多
2025-06-01
156 浏览
最近在西環新開左間麪包店，呢間主打法式酥類和法式蛋糕，堅持不添加防腐劑、膨化劑、軟化劑等化學物質，採用純天然酵母發酵，所以食落去比較飽肚！我覺得呢間都好有特色和好用心製作，睇得出好花心機去整每一種不同類型的麵包！麵包種類亦有酸種麵包，用咗150年歐洲嘅一種酸種，口味例如有蒜香芝士、紅酒提子等..亦都有加入咗港式元素的煙燻臘腸、話梅夏威夷果仁等..麵粉係用法國麵粉T65和T85麵粉，所以食落去比較軟熟！亦有日本料理包，豆乳用咗日本麵粉，食落去比較細緻啲！法式菠蘿包呢個幾特別，食落去不會乾身，而且比較軟糯！曲奇係全人手做的法式曲奇，連切片都係人手做，不同平時食開的牛油曲奇，呢個食落去係比較脆🍯 蜂蜜金磚第一眼望落去我以為係西多😂，似是油炸的食品，原來係非油炸，聽店員介紹話焗咗三次至呢個顏色，首先將焗起嘅吐司，然後飛邊，用最軟熟的位置，再用法國蜂蜜和法國牛油塗上上面，再去焗，將牛油同蜂蜜滲入個包裏，跟住拿出來攤一下，反轉再去焗一次，至做到呢個金黃色的效果！食落去呢我覺得好香嘅蜂蜜味，甜甜地，好軟熟，下午茶點配杯齋啡一流👍🏻法式葡撻：亦都係千層蛋撻，多層酥脆的層次口感，而且蛋味都香濃🍏伊甸園蘋
麵包種類亦有酸種麵包，用咗150年歐洲嘅一種酸種，口味例如有蒜香芝士、紅酒提子等..亦都有加入咗港式元素的煙燻臘腸、話梅夏威夷果仁等..麵粉係用法國麵粉T65和T85麵粉，所以食落去比較軟熟！亦有日本料理包，豆乳用咗日本麵粉，食落去比較細緻啲！法式菠蘿包呢個幾特別，食落去不會乾身，而且比較軟糯！
曲奇係全人手做的法式曲奇，連切片都係人手做，不同平時食開的牛油曲奇，呢個食落去係比較脆
🍯 蜂蜜金磚
第一眼望落去我以為係西多😂，似是油炸的食品，原來係非油炸，聽店員介紹話焗咗三次至呢個顏色，首先將焗起嘅吐司，然後飛邊，用最軟熟的位置，再用法國蜂蜜和法國牛油塗上上面，再去焗，將牛油同蜂蜜滲入個包裏，跟住拿出來攤一下，反轉再去焗一次，至做到呢個金黃色的效果！
食落去呢我覺得好香嘅蜂蜜味，甜甜地，好軟熟，下午茶點配杯齋啡一流👍🏻
法式葡撻：亦都係千層蛋撻，多層酥脆的層次口感，而且蛋味都香濃
🍏伊甸園蘋果迷你蛋糕
呢個真係超正，食落去好有驚喜，裏面竟然有青蘋果果粒，最令我意外係食到有微微香茅味，但係又好夾，再加上海鹽焦糖軟醬和軟蛋糕，層次好豐富，同埋好Fresh
🍞明太子忌廉芝士歐式軟包
呢個係日式麵包，裏面明太子醬和芝士也不少，真係食材毫不吝嗇放好多，真材實料！食落去麵包都係好軟熟，充滿明太子的鹹香味，鹹中帶點微辣，又係好特別！
呢間誠意推介比喜歡食麵包嘅你，除咗麵包另外仲有3D蛋糕，亦做得好靚！
张贴
