影片
以上资料只供参考，请与餐厅确认详情
今晚放工要买定听朝食既早餐，知道呢间系新开无耐，就决定喺度买啦！我入舖头既时候，可能未到店舖最繁忙既时间，有位店员就好主动过黎介绍佢地家既各款面包，仲会推介俾我，如果系第一次买佢地家既面包应该拣边款，呢下让我感受到佢地既服务同面包既价钱系成对比😆😆😆经一轮介绍后，我最后决定买呢4款试下：1）芋泥麻糬丹麦条🥖呢个话系店舖入面嘅signature款式之一，外皮小小脆口，入面嘅芋泥馅唔会太多，所以唔会俾芋泥好快「质」饱咗，而且加咗新鲜麻糬，质感软身同埋做到拉丝嘅感觉，食得出系新鲜整嘅麻糬。2）经典牛角酥🥐一间高质嘅面包舖做酥皮系列嘅面包，就要睇佢嘅酥皮入面嘅窿窿够唔够多，同埋表面个卖相够唔够硬净、脆身 。呢个原味牛角酥睇得出同食得出佢哋嘅酥皮系整得几好嘅，我冇用焗炉焗返热去食，就咁摆咗室温一晚食，外皮都仲有小小脆👍🏽👍🏽👍🏽3）蜂蜜金砖🍞呢个建议食法系：「唔好焗热或翻热食，要就咁食‼️即使雪咗雪柜再拎出嚟都系摊冻咁食。」因为店员话呢款面包嘅制作方法系coat咗三层天然蜂蜜，翻热会令到面包面上嘅蜂蜜溶化，令到个面包变湿，口感就会冇咁好食。就咁食嘅好处就系食到出面嘅脆同埋面包入边嘅软绵质感，适合做茶点，因为味道偏甜小小，似重口味西多，配杯茶就刚刚好！🤣4）mini cake: Cherry Blossom 🌸🍰(中间layers分别系cheesecake mousse同士多啤梨软啫喱jam层，再加海绵蛋糕底）On top 有3块切片新鲜士多啤梨，系Juicy有汁嘅新鲜士多啤梨，令整个Mini cake增添新鲜士多啤梨甜香 。其实店员仲有好多好推介，原材料都系用来自法国产地，例如面粉同牛油。佢哋嘅酸种（sour dough)面包都好出名，可以买半份，亦都可以买一整个，而且冇防腐剂亦都冇落食用臭粉（属于膨胀剂，通常用喺制作酥皮产品），所以成份天然，要保鲜就要记得雪雪柜，保存期就可长达一个月，食几多攞几多出黎返热，用蒸焗炉嘅湿气烘返热，就系最正确食酸种面包嘅方法。睇黎要下次再黎帮衬先得，今次真系买唔到咁多😆😆😆原来佢地仲有会员制度，只要买1盒曲奇饼就会送一个永久会籍，每次买面包、咖啡都有88折，好在我多口问一问😂😂join member抵好多！
继续阅读
最近坚尼地城新开了一间面包店，引起不少街坊关注。这间店主打高质素路线，无论用料、工艺还是创意都非常讲究。老板选用来自法国和日本的特级面粉，配合法国牛油，还有天然酵母，甚至连酸种面包的酵母都大有来头——源自荷兰一个有150年历史的酸种。最重要的是，所有产品都不加防腐剂、不用膨胀剂，让人吃得安心。这间店的面包不只讲求传统，还加入本地风味，像话梅、腊肠这类港式元素也不时出现。每一款面包都用料十足，例如红莓合桃法包，拿在手上沉甸甸的，咬下去满是果仁与果干的香气，完全感受到店家对品质的坚持。面包吃起来不会像有些店那样只是空气，反而软熟之余又有质感，每一口都满足。这次我买了三款面包和一个小蛋糕，真的是满载而归。🍒红莓核桃法包果香浓郁、口感丰富；🇦🇪杜拜开心果麻糬则是东西合璧，麻糬的烟韧与开心果的浓厚交织得刚刚好；🍫生朱古力包外层香软，内馅甜而不腻。🧁最后那个65%的薄荷朱古力迷你蛋糕，小巧精致，朱古力味浓郁中带点清新的天然薄荷，吃完有种微微凉意，非常适合炎热的日子。
继续阅读
坚尼地城新开面包舖🥐成个面包博物馆咁，摆放得整齐又精致主张天然无添加防腐剂，采用优质面粉同牛油，分别有法国同日本入口嘅高级面粉▶️ 伊甸园苹果迷你蛋糕 ($69)卖相成个苹果咁🍏特别在加咗香茅，甜味中带出淡淡香茅香配搭听落奇怪，食落意外地夹外围系朱古力片🍫中间有粒粒爽脆清甜青苹果蛋糕creamy，仲有曲奇饼底！系一个细细蛋糕食到咁多层次味道，确实有惊喜😯*大蛋糕需三日前预订，制作功夫讲究，需时较长*熊啤啤蛋糕有多款口味🧸可当一般蛋糕食用或冷藏当雪糕蛋糕▶️ 1/2个蒜香芝士酸种 ($48)用150年酵母、T65 T85法式面粉制作无加糖、牛油、奶，相对健康建议烤焗食用，更能欣赏酸种包外皮香脆，内里烟韧口感闻落超香黑蒜味，提子干、芝士足料🧀加埋又甜又咸▶️ 杜拜开心果麻糬酥 ($32)近期大热杜拜朱古力x开心果💚大大旧麻糬配合开心果酱，再包上层层酥皮酥皮用法式T45面粉同法式牛油🧈最后洒上杜拜朱古力碎▶️ 士多啤梨红莓麻糬贝果 ($30)好肥嘟嘟，应该系我见过最厚嘅bagel入边唔系用士多啤梨酱，而系用士多啤梨红莓粒🍓一个成150g重，超饱肚麻薯烟烟韧韧，不过可能因为咁bagel包质比下去了🙈另外有原味、抹茶红豆麻糬味、芋泥麻糬味▶️ 法式葡挞 ($15)酥皮劲细致，已经见到千层咬落十分酥脆🥧葡挞蛋浆ok-钟意佢将港式元素可入法式/日式/意大利包中，有新意又符合香港人口味🇭🇰包装都靓又高级服务几好，店员同我详细介绍产品🤣私人导赏团店员推介下次试佢哋嘅法式曲奇饼sable，全人手制造，设有四款口味🍪依家做紧优惠，买曲奇可直接送会籍，可享88折
继续阅读
放工经过soft opening 中嘅Bernice by Deesses bakery俾招牌嘅暖红同入面嘅金黄色面包吸引住就入左去一探究竟店员热情招待细心介绍左每一款面包特性、味道同口感令到我愈睇愈想买结果大破悭囊买左几款同屋企人分享店内面包全部由自家工场鲜制材料绝不吝啬例如酸种面包就用上左欧洲150年酸种同法国T60同T80面粉无任何添加剂、防腐剂令客人能够安心地享受优质面包面包种类选择多除左有酸种面包，仲有法式酥饼同日式包点而且口味丰富日式包点除用上日本面粉，馅料有少见嘅生朱古力而最令我惊喜嘅系Bernice bakery 对味道推陈出新酸种面包除左有经典口味，更有港式系列用港式腊肠、飞机榄等入馔，非常有新意！最后我买左店员力推嘅乡村酸种面包因为店员用实证话我知系同坊间嘅酸种面包唔同包体外硬内软徒手可以按下而且松软回弹而且仲教我回家用焗炉处理嘅方法确保完美回温另外我又买左芋泥麻糬丹麦条法式蜂巢酥脆外套包裹住甜滑芋泥中间再有软糯麻糬多重口感令人回味士多啤梨红莓麻糬贝果份量足红莓同士多啤梨馅料丰富每一口都有莓果鲜香Bernice bakery 除左有面包外仲有蛋糕售卖蛋糕造型可爱味道特别下次有机会再试试！
继续阅读
⭐️杜拜开心果麻糬酥最近大热开心果，好好奇系咩味。酥皮咬落几松软，内面麻糬好Q弹，最头头系开心果。⭐️蒜香芝士酸种最近好大热酸种面包，一直都未食过，都好好奇系咩口感。店员知道我唔识都好好地走过来，介绍比我听。原来呢款包冇落奶、牛油、蛋、糖，有别其他面包，所以会健康啲。用法国面粉整，仲用左好有历史嘅菌发酵就成功令到面包发起有空气感松软。呢到有几款酸种面包，有杂粮酸种、红酒提子酸种、话梅夏威夷果仁酸种，几新颖。因为第一次食都系选择返大路口味-蒜香芝士酸种。啲蒜粒&芝士好大粒，所以超级香，推荐。⭐️生朱古力包生朱古力唔会话好苦好甜，刚刚好，好滑，钟意朱古力嘅人要食下。⭐️士多啤梨红莓麻糬贝果贝果入面有唔少士多啤梨&红莓果肉，酸酸甜甜，我有再蒸一蒸再食，令到麻糬贝果可以再淋啲。
继续阅读