隨心 (已搬遷) 新店位置

我地一人叫咗碗喇沙，我就係食海鮮喇沙，配料都好豐富，有蝦，魚片，扇貝，蟹柳，仲有蛋，豆卜等……朋友就食咗店員推介嘅蛋餃喇沙，蛋餃我都試食咗，味道唔錯。重點佢啲湯底係好濃郁。我地仲叫咗兩樣嘢，麥皮蝦：呢個菜式我係第一次食，聽講係新加坡名菜，食落真係好惹味，原來蝦仲有咁樣嘅煮法，下次係屋企都可以試下整。椰汁水晶粉：我係椰子控，好中意椰汁嘅清香，水晶粉仲會有椰肉，食落口感彈牙，味道清甜。整體嚟講食物質素唔錯，環境雖然唔算大，但坐得都舒服。